Македонија
Од 350 до 400 евра за оперирање на катаракта со најнови методи
Најновата метода на оперирање катаракта со ултразвук, за која се користат таканаречени свитливите леќи, граѓаните ќе ги чини меѓу 350- 400 евра бидејќи болницата во моментот има нова опрема, но стари леќи кои се користат за класична операција на катаракта.
Најновата метода на оперирање катаракта со ултразвук, за која се користат таканаречени свитливите леќи, граѓаните ќе ги чини меѓу 350- 400 евра бидејќи болницата во моментот има нова опрема, но стари леќи кои се користат за класична операција на катаракта.
За ова информираше офтамологот др. Наум Трпеновски, кој успешно спроведе вакви операции во новата Градска болница „8 Септември“.
Хоспитализацијата и операцијата чинат 1.700 денари, но леќите пациентот засега мора да си ги обезбеди сам, бидејќи, како што кажа Тренковски, сè уште траат преговорите со Фондорт за здравство, по што ќе се распише тендер за набавка.
„Цената која Фондот ја плаќа на клиниките каде се прават операциите е нереална и е 15.000 денари, а во таа цена 12.000 денари се само нашите придружни услуги без леќи. Се работи за материјали за една употреба, со кои добиваме огромен стерилитет. Фондот мора да ни излезе во пресрет и да нè изедначи со околните земји каде за ваква операција префрлаат од 500 до 570 евра. Ние би биле задоволни и кога таа цена од 500 евра би ја прифатил Фондот со оглед дека таа операција во приватното здравство се наплаќа по 800 до 1.000 евра“ додаде Тренковски.
Министерот за здравство Бујар Османи, кој денеска го посети очното одделение во новата Градска болница „8 Септември“, информираше дека набавената офтамолошка опрема која чинела 3 милиони евра ќе биде поделена во офтамолошките одделенија кои се поделени на четири нивоа.
На четврто ниво се основните одделенија кои ќе вршат само основни офтамолошки услови.
На прво ниво се Очната клиника во Скопје, новата Градска општа болница, а на второ ниво се Клиничките болници од Битола, Тетово и Штип кои ќе ја добијат најсовремената офтамолошка апаратура.
„Носењето на најсовремената опрема ќе биде отскочна даска за офтамологијатакоја е во статус кво“, рече Османи.
Операцијата на катаракта со ултразвук е минимално офанзивна, со рез од 2,8 милиметри и нема потреба од чекање да созрее леќата туку се презема оперативен зафат веднаш по појавувањето на проблемите а операцијата е едноднодневна/крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Градот Скопје организира вонредно чистење на Шуто Оризари: „Курто Дудуш си направил приватна депонија“
Градот Скопје од вечерва организира вонредна акција за чистење и дезинфекција на општина Шуто Оризари.
Oд тука појаснуваат дека акцијата е со цел спречување на ширење на зарази и загрозување на животната средина на жителите на општината, а Градот за состојбата го обвинува градоначалникот Курто Дудуш.
„Екоцидот кој во моментов се случува во општина Шуто Оризари е резултат на криминогеното и неодговорно однесување на градоначалникот Курто Дудуш. Имено, Дудуш си поставил свои приватни контејнери на општинските улици, а на граѓаните им наплаќа за чистење на отпад на парагон блокче за што се располага со соодветни докази. Потоа, иако знаел дека е незаконски, отпадот го складирал на свој имот односно приватна парцела во негова лична сопственост со која си склучил договор и ја дал под закуп на општината. Отпадот кој го собирал спротивно на закон и си наплаќал за истото, потоа наместо да го одложи во единствената акредитирана депонија “Дрисла” тој со истиот си направил приватна депонија. За ова веќе се утврдени соодветни противзаконски дела, составени се записници и поднесена е пријава“, велат од Град Скопје.
До надлежните органи апелираат итно да ги преземат сите соодветни мерки за санкционирање на Курто Дудуш, а градот Скопје стои на располагање за дополнителни појаснувања и достава на сите докази со кои располага за утврдениор екоцид во режија на Дудуш.
Македонија
Собранието ја отфрли интерпелацијата за Меџити
Со три гласа „за“, 64 против и без воздржани, Собранието ја отфрли интерпелацијата за првиот вицепремиер и министер за животна средина и просторно планирање Изет Меџити.
Интерпелацијата беше поднесена од Европскиот фронт поради, како што беше посочено, неговата неспособност да управува со ситуации кои придонеле за влошување на меѓуетничките односи.
Меџити, пак, рече интерпелацијата не поврзана со албанскиот јазик или балансерот, туку со желбата на ДУИ да се врати на власт, и и’ порача дека треба да се реформира.
Интерпелации се поднесени и за вицепремиерот Иван Стоилковиќ, министерот за внатрешни работи Панче Тошковски и неговиот заменик, Астрит Исени.
Македонија
Даути не е разрешена, интерпелацијата нема правно обврзувачки последици, велат од Кабинетот на Гаши
Кабинетот на претседателот на Собранието преку соопштение нагласува дека гласањето за интерпелацијата нема правно обврзувачки последици за разрешување и нема правно дејство. Ова се случува откако попладнево со 61 глас „за“ беше прифатена интерпелацијата за работата на претседателката на Комисијата за социјална политика, демографија и млади Илире Даути oд ДУИ.
„Собранието на Република Северна Македонија денеска одржа пленарна седница на која се разгледуваше интерпелацијата за работата на пратеничката Илире Даути, претседател на Комисијата за социјална политика, демографија и млади. Седницата се одржа во потполна согласност со Уставот на Република Северна Македонија, Деловникот на Собранието и постоечките закони. Изјавите на одредени медиуми кои велат дека резултатот од гласањето за интерпелација наложува разрешување на г-ѓа Даути се неточни. Нагласуваме дека гласањето за интерпелацијата е израз на пратениците и нема правно обврзувачки последици за разрешување и нема правно дејство. Именувањата и разрешувањата се уредуваат со други посебни процедури утврдени во Деловникот на Собранието, законите и Уставот“, се вели во соопштението.
Со 61 глас од ВМРО-ДПМНЕ, Левица и ЗНАМ, Собранието ја изгласа интерпелацијата за Илире Даути од ДУИ. Taa не го почитувала Собранискиот деловник со тоа што не го ставила Законот за правата на бранителите на комисиска расправа и ги лишила пратениците од дебата за него.
И пратеникот на коалицијата ВЛЕН, Халил Снопче на пленарната седница во Собранието изјави дека Илире Даути не е разрешена, па и понатаму останува претседател на Комисијата за социјални работи и демографија и млади.
„Госпоѓата Илире Даути не е разрешена од функцијата претседател на Комисијата. Значи, мораме да го расчистиме ова прашање бидејќи имаше дезинформации во медиумите на албански јазик, бидејќи Илире Даути ќе продолжи да ја врши истата позиција. Затоа, она што беше протечено во медиумите е невистинито. Исто така, коалицијата ВЛЕН гласаше против разрешувањето на Даути“, рече пратеникот Халил Снопче.