Македонија
Македонија губи со регионален пристап за ЕУ-интеграцијата

Според експертите на краток рок, клучно за евроинтеграциите е се и демократски избори, но на долг рок клучен е индивидуалниот пристап на ЕУ
Осцилациите на европското расположение за проширување, како резултат на светската економска криза и се’ уште неизвесната судбина на Лисабонскиот договор од една страна, и лошите односи меѓу соседите на Балканот од друга, во моментов клучно влијаат врз евро интеграциските процеси, коментираат експертите. Низа други односи, како блокадата на Холандија кон Србија, обесхрабреноста во Албанија и Црна Гора за аплицирање како и стравувањата што ќе се случи со БИХ ја создаваат новата консталација, која влијае дека Балканот не е приоритет за ЕУ, Пренесува Радио Слободна Европа„Особено тука е интересен случајот со Македонија. Ако порано бевме лидер во регионот во однос на европските интеграции, сега повторно се враќаме назад во дамнешниот период, во смисла на тоа дека се гледаме генерално како припадници на Западниот Балкан,”е коментарот на професорот Јетон Шасивари. Иако постојат забелешки во врска со демократскиот развој на институциите Македонија не е виновна за ваквите осцилации и може да се смета за пример во регионот за спроведени институционални реформи, додава Шасивари. Поради тоа, регионалниот пристап не би бил во полза на Македонија, додава Жидас Даскаловски од Центарот за истражување и креирање политики:„За Македонија е битно да нема таков регионален пристап, затоа што во тој случај треба да ги чекаме сите помалку подготвени земји и помалку реформски ориентирани земји. Тоа не е во наша полза. Во наша полза е индивидуален пристап”, вели Даскаловски. Во МНР очекуваат Македонија да биде оценувана според реалните постигнувања, а не според некаков регионален пристап според кој сите земји од Западен Балкан би биле ставени во пакет. Тие не го делат впечатокот дека таков регионален пристап постои и додаваат дека фер и демократски избори во моментов се клучни за европските аспирации на земјава, а дека евентуалните нерегуларности подолгорочно би ги затвориле вратите за Македонија, без оглед дали таа ќе биде гледана индивидуално или во рамките на регионалниот контекст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.