Премиерот Никола Груевски, ги покани претседателите не трите најголеми политички партии на лидерска средба, што ќе се одржи утре во клубот на пратеници

Средбата се одржува со цел да се разгледаат сите аспекти поврзани со претстојниот втор изборен циклус на претседателските и на локални избори, како и да се овозможат сите потребни услови, неопходни за повторување на фер и демократската атмосфера во која измина првиот изборен круг.„Првиот изборен циклус на претседателските и локалните избори во нашата земја помина во мирна, фер и демократска атмосфера. Со оглед на потребата од одржување и понатамошно унапредување на демократските процедури во спроведувањето и на претстојниот втор изборен циклус, а во насока на осигурување на евро-атлантската иднина на нашата држава, сметам дека е потребно сите политички субјекти во Република Македонија уште еднаш да ја демонстрираат својата политичка одговорност, заедништво и посветеност околу постигнувањето на овој важен приоритет“, се вели во писмото, што Груевски го испрати до претседателите на СДСМ, на ДУИ и на ДПА.