Македонија
Почина сопственикот на Алсат, Веби Велија

По кратко боледување, доцна синоќа во Скопје, почина Веби Велија (61), сопственик на балканската регионална индустриска и консалтинг корпорација ВЕВЕ Групација и на телевизискиот синџир „Алсат“ кој се емитува во Македонија, Албанија и на Косово.
Погребот ќе се изврши денеска, во родното село Градец, Гостиварско.Комеморативна седница по повод смртта на Веби Велија ќе се одржи во понеделник во Скопје, во просториите на Стопанската комора на Македонија..Своите активности во економијата и бизнис секторот Веби Велија ги започна уште во седумдесеттите години на минатиот век во Загреб, Хрватска, а потоа во осумдесеттите и во Виена.ВЕВЕ Групацијата, основана од страна на Велија на почетокот од деведесеттите години, е една од најголемите компании за привлекување на странски инвестиции на Балканот, особено во секторите на енергетиката, прехранбената индустрија, тутунската индустрија, туризмот, транспортот и врски, комуникациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филков се потпиша во книгата на жалост: Одговорност ќе има и правдата ќе биде задоволена

Министерот за правда, Игор Филков се потпиша во книгата на жалост, отворена во Министерството за надворешни работи и надворешна трговија, по повод трагичниот настан во Кочани.
,,Изразувам длабоко сочувство за трагично загубените млади животи во Кочани. Оваа несреќа нè потресе сите, оставајќи неизмерна болка и тага. На повредените, кои се згрижени во болниците во земјата и надвор од неа, им посакувам брзо и целосно закрепнување. До граѓаните упатувам јасна порака – одговорност ќе има, а правдата ќе биде задоволена! Министерството за правда и јас, како министер, ќе направиме сè што е во наша надлежност за да се осигураме дека вистината ќе излезе на виделина, а одговорните ќе сносат последици! Правда ќе има!”,вели министерот за правда Игор Филков.
Македонија
Свети ВМРО да е, ако направил грешка ќе одговара: Мицкоски за градоначалникот на Кочани

Колкава е одговорноста на градоначалникот на Кочани ќе утврди Обвинителството, кажа премиерот Христијан Мицкоски денеска одговорајќи на прашање дали Папазов, ќе сноси одговорност во врска со пожарот во дискотеката.
Мицкоски рече дека надлежните во текот на денот ќе ги проверат сите документи во Општината.
Посочи дека никој нема да биде заштитен и секој што има каква било вина во врска со настанот, ќе одговара.
„Градоначалникот во својата оставка напиша дека стои на располагање за се. Не бега. Тука е. Денеска, колку што јас знам, истражните органи ќе влезат и во Општината. Ќе ги проверат сите документи. Ако вие сега пледирате дека тој е ВМРО-ДПМНЕ, па ние го штитиме, не, се лажете. Никого нема да штитиме. Свети ВМРО да биде, и јас да сум, родена сестра, брат да ми е, ќе одговара ако има каква било вина“, рече Мицкоски.
Кривична одговорност според него ќе има за сите, и дека не треба да се шпекулира.
„Кривична одговорност ќе има за сите. Ако е потребна морална или политичка, удрете на мене. Јас сум тука, јас ќе се сносам со сиот предизвик, но прво ќе ги поразам како што многу пати сум ги поразил, а потоа на избори граѓаните ќе судат дали и кој треба да сноси одговорност. Само ве молам да не шпекулираме, да не креираме информации кои што немаат никаква врска со вистината. Свети ВМРО да е, ако направил грешка ќе одговара. Тоа сме го покажале и докажале во овој период“, порача Мицкоски.
Македонија
МВР: Големиот број полициски службеници во Кочани е поради службени активности, а не за попречување на протестите

Министерството за внатрешни работи со известување до граѓаните дека овие денови има зголемено присуство на полициски службеници на територија на цела држава, особено во градот Кочани и околу општинската зграда.
Зголемениот број на полициски службеници е поради извршување на службени активности и обезбедување на документација од општината, а не заради попречување на граѓаните во нивното загарантирано со Устав право на собирање и одржување на протест, велат од МВР.
Апелираат до граѓаните сите собирања и протести да се одржат во мирна атмосфера.