Македонија
Словенија силен поддржувач на Македонија за членство во НАТО и ЕУ
Словенија и натаму е силен поддржувач на аспирациите на Македонија за членство во Европската унија и НАТО
Билатералните односи како на политички, така и на економски и културен план, се многу добри, оценија претседателите на двете земји, Данило Тирк и Ѓорге Иванов по денешната средба во Љубљана.“Словенија ја поддржува Македонија во нејзините напори за приближување кон Европската унија и НАТО и со практични совети и помага да ги исполни обврските за полноправно членство. Љубљана е доследна во поддршката и секаде каде што има можност се обидува да го забрза патот на евроатлантските интеграции на Македонија“, изјави словенечкиот претседател Тирк на прес-конференцијата по средбата со Иванов.Тирк е задоволен од напредокот што го прави Македонија во евроинтегративните процеси и се надева дека во октомври годинава, Европската унија ќе даде позитивни оценки. Според него, може да се очекува и визна либерализација за македонските граѓани. Тирк смета дека решавањето на некои регионални проблеми, како статусот на Босна и Херцеговина, проблемот за името со Грција и словенечко-хрватскиот граничен спор, можат да придонесат за побрзо интегрирање на земјите од ЈИЕ во ЕУ и НАТО.“Ме радува што Македонија смета дека треба да се најде разумен компромис за спорот за името со Грција и дека ќе се гради перцепција како тој компромис да се пронајде. Ги поддржуваме напорите на медијаторот, Метју Нимиц, и се надевам на напредок во наредните месеци. Сметам дека е дојдено времето овој долгогодишен проблем да се надмине“, рече Тирк. Тој предупреди дека треба да се внимава како се користат некои имиња, како на пример Александар Велики за дополнително да не се комплицира проблемот.“Словенија секогаш била со нас и ги поддржувала нашите напори да бидеме член на НАТО и ЕУ. Со Словенија не врзуваат многу работи, но иако имаме одлични односи мислам дека постои простор за продлабочување на соработката особено на економско и на културно поле“, рече Иванов.Македонскиот претседател очекува преговорите за проблемот за името со Грција да се интензивираат по изборите кај јужниот сосед. Иванов се сретнал со преговарачот, Зоран Јолевски, премиерот, Никола Груевски, и шефот на дипломатијата, Антонио Милошоски, на кој биле договорени принципите за изнаоѓање решение.Одговарајќи на новинарско прашање во врска со поврзаноста на проблемот со името и граничниот спор меѓу Словенија и Хрватска, претседателот Иванов рече дека Македонија со Грција има потпишано Времена спогодба според која Атина не смее да го попречува македонското зачленување во меѓународните институции под привременото име, што го прекрши во Букурешт, а Словенија, како што рече, нема преземено никаква обврска за граничниот спор.Иванов се сретна и со претседателот на Парламентот на Словенија, Павел Гантар, и со словенечкиот премиер, Борут Пахор. На средбите присуствуваше и министерот за надворешни работи, Антонио Милошоски. За попладне е закажана средба со словенечки стопанственици и со македонски иселеници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.
Македонија
Пендаровски победи во три општини, а Таварари и Димитриевски само во општините кадешто се градоначалници
Кандидатите за претседател, Гордана Силјановска Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари и Максим Димитриевски имаат победа во по една општина.
Со тоа, Силајовска има најмногу освоени гласови во Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.