Македонија
Баро ја преименува Македонија во Северна

Потпретседателот на Европската Комисија Жак Баро денеска ја преименува Република Македонија во Северна Македонија
Откако известил за напредокот на земјите од регионот во областа на визите пред 27-те министри за внатрешни работи на ЕУ собрани на редовната седница во Луксембург, запрашан од новинарите, Жак Баро рекол дека земјите за кои можат да се укинат визите до крајот на годината се Македонија, Србија и Црна Гора, пренесува теелвизијата Алсат-М. „Тоа што можам да го кажам е дека денеска имаме впечаток дека ПЈРМ, значи Северна Македонија, Србија и Црна Гора направиле навистина големи обиди. Значи ние мислиме дека треба да ги земеме предвид овие обиди. Се’ уште не е сигурно, но постои веројатност ние да предложиме за овие три земји либерализацијата да се оствари до крајот на годината, но ова едноставно е предлог и инсистирам бидејќи во оваа фаза не можам да бидам сосема сигурен. Но ова може да се случи ако се согласат земјите членки“, изјавил Баро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.