Македонија
Нимиц закажа средба за 11 февруари

Метју Нимиц ја закажа новата рунда преговори за името меѓу Скопје и Атина под покровителство на Обединетите нации
Специјалниот пратеник на Генерланито секретар на ООН, амбасадорот Метју Нимиц, во понеделник попладне ги покани на разговори во Њујорк претставницте на Македонија и Грција. Новиот македонски преговарач воедно и амбасадор на Република Македонија во САД, Зоран Јолевски и грчкиот претставник Адамантиос Василакис со Нимиц ќе се сретнат на 11-ти февруари. Поединостите и точниoт термин, подоцан ќе бидат одредени, како што соопштуваат од службата за информирање на Генералниот секретар на Обединетите нации. Од македонска и од грчка страна засега нема официјални реакции, кои најверојатно ќе следат во текот на претпладнето во вторник. Ова ќе биде првпат македонскиот претставник амбасадорот Зоран Јолевски во улога на преговарач да учествува во македонско-грчкиот спор за името на Република Македонија. Но се работи за искусен дипломат кој присуствувал на повеќе тешки и значајни државнички средби од времето на службувањето во Министерството за надворешни работи и советничкиот ангажман во кабинетот на починатиот Претседател Борис Трајковски. Овојпат многу ќе биде интересно како ќе се усогласуваат ставовите за преговарачката позиција кај државните врвови и на двете држави. Во Македонија распишани се локални и претседателски избори за последната седмица од март, а во Грција и државата и актуелната власт се разнишани од насилните протести на младината кои трахјат речиси цел месец и од притисокот на опозицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денеска до вторник топлотен бран во Македонија, се активираат препораките за заштита на населението

Министерството за здравство ја информира јавноста дека согласно прогнозите од УХМР и врз основа на акцискиот план за превенирање на последиците од топлотни бранови врз здравјето на населението 2025–2030 година, почнувајќи од денеска (петок, 4 јули) се активира фаза 3, што ќе трае до 08 јули, вторник.
На предлог на Министерството, Владата ги донесе следните препораки:
– Ослободување од работни обврски за бремени жени и лица постари од 60 години. Оваа препорака не се однесува на вработени во критичната инфраструктура (здравство, полиција, армија, транспорт, енергетика, јавни комунални претпријатија).
-Одложување на работниот процес во критичните часови (11:00–17:00) за работници изложени на директна топлина;
– Работа од далечина, флексибилно или двократно работно време, каде што е изводливо;
-Работодавачите да обезбедат микроклиматски услови за работа согласно акцискиот план: простории со температура до 25°C, освен таму каде што природата на работниот процес налага поинаку;
-Активирање на планови за вонредни услови, сите здравствени установи, установи за згрижување на стари лица и образовни институции да постапат согласно интерните протоколи за кризна состојба.
Мерките имаат за цел да обезбедат континуирана и ефикасна заштита на здравјето на населението преку превентивно дејствување и соодветна институционална подготвеност.
Македонија
Рекордна потрошувачка на вода во Скопје, неконтролирано се вадат бавчи и перат автомобили, велат од Водовод

ЈП Водовод и канализација – Скопје, согласно системот за мониторинг и мерење на дневната потрошувачка на вода констатира енормно зголемена потрошувачка на водата, особено во попладневните часови.
Конкретно на ден 23 јуни, дневната потрошувачка на вода изнесуваше рекордни 356.000 м3, што би значело потрошувачка од 700 литри вода по глава на жител.
Потрошувачката е предизвикана од неконтролирано трошење на водата за полевање на зеленило, бавчи и ниви, за перење автомобили, за полнење на базени. Воедно апелираат до сите граѓани на градот Скопје на совесно и рационално користење и употреба на водата.
„Апелираме до граѓаните на град Скопје, доколку забележат див приклучок, истиот да го пријават на 02 3073 010, [email protected] или www.vodovod-skopje.com.mk“, велат од Водовод.
Со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје.
Македонија
Костадиновски на средба со Мартин Памер за предизвиците со кои се соочува Уставниот суд

Претседателот на Уставниот суд, Дарко Костадиновски оствари средба со Н.Е. Мартин Памер, амбасадор на Република Австрија.
Костадиновски го информираше амбасадорот Памер за актуелностите и предизвиците со кои се соочува Уставниот суд и го запозна со приоритетите во неговиот мандат.
На средбата беше изразено заедничко задоволство од унапредување на соработката помеѓу двата уставни судови за што претседателот Костадиновски предаде покана за претседателот на Уставниот суд на Австрија, Кристоф Грабенвартер.
Амбасадорот Памер истакна дека ќе се заложи за воспоставување на билатерална соработка меѓу двата суда, нагласувајќи дека високо ја цени посветеноста на Уставниот суд на Република Северна Македонија кој има круцијална улога во обезбедување на владеењето на правото и правната држава.