Во Основниот суд Скопје 1 почнува процесот за случајот малтретирани работници на ГП „Маврово”. Тој е првиот од четирите хашки случаи подигнати за злосторства против човештвото од 2001 г.

На материјалот содржан во ова досие работеа двајца обвинители, а Основното јавно обвинителство не отстапува од свој став изграден уште во времето кога ова досие беше испратено во Хаг, а од таму вратено пред македонските судови и досега се преведуваше. Случаите „Раководство на ОНА”, „Липковска брана” и „Киднапирањето на 12-мината  македонски граѓани”, сé уште се преведуваат. За случајот „Киднапирани работници на ГП Маврово”, уште пред неговот испраќање пред Хашкиот трибунал, беа притворени Шкодран Идризи и Фадиљ Ферати.Изет Меџити, шефот на изборниот штаб на ДУИ, партија којашто се поврзува со случајот „Раководство на ОНА”, по ова одговори на прашањата Форум:Деновиве е отворен процесот за еден од четирите “хашки случаи” кои го задираат и раководството на ОНА, а некои од него денес се во ДУИ. Како го коментирате ова? – „Сметам дека тоа не е во полза на сите граѓаните на РМ. И како граѓани а особено како политички субјекти, треба да бидеме определни да гледаме напред, а не да се потсетуваме на 2001 г. Сметаме дека со Законот за амнестија се затворија тие прашања и не е во интерес да се навраќаме на работи кои ќе нé враќааат назад и може да предизвикаат други несакани последици А и Хашкиот трибунал го кажа неговото.”Значи ли тоа дека ДУИ нема да реагира доколку Судот во Хаг донесе ослободителни пресуди за Љубе Бошкоски и Јохан Тарчуловски? – “Тоа е работа на Хашкиот трибунал. Тоа е меѓународна правна институција со големо реноме и тие ќе одлучат. Малку е важно кој ќе биде ставот на која и да е политичка партија во однос на тоа”.