Македонија
ВМРО-ДПМНЕ: Петковски да ги соопшти спонзорите за сценариото
Опозицијата да помогне во побрза интеграција на државата и во спроведувањето на реформите, а не да наметнува теми кои не се во интерес на државата и кои се конструкција, бара ВМРО-ДПМНЕ по денешната иницијатива на Тито Петковски за интерепелација на Владата.
„Наместо да одмагаат, да помогаат. Тоа можат да го прават преку креирање позитивна атмосфера и заложби за побрза интеграција на државата, како и за спроведување на реформите во Република Македонија наместо да наметнуваат теми кои се што не се во интерес на граѓаните и правење конструкции од измислени теми“, изјави Илија Димовски од ВМРО-ДПМНЕ.
Тој побара од Петковски, како прв кој почнал да го спроведува сценариото на кое веќе неколку дена предупредуваат, да ги каже неговите спонзори.
„Цениме дека инцијативата е дел од едно поголемо сцнариот и нас играчите ни се добро познати, она што не го знаеме е кои се спонзорите и кои се луѓето кои го мотивираат ова сценарио“, побара Димовски.
Според него, предводници на инцијативата на Петковски и НСДП, се СДСМ заедно со поранешен коалицонен партнер на ВМРО-ДПМНЕ и една албанска партија.
„Ова сценариото го прават политичари кои се провлекуваат 20 години низ транзиционата политичка сцена, а се симбол на сите неуспешни приказни почнувајќи од промашената приватизација, па се до промената на уставното име на Република Македонија во ФИРОМ. Нивна цел е да го нарушат угледот на РМ, но и да внесат конфликти и раздор во македонското општество, за на крај себеси да се прогласат за спасители. Тоа го правеа во 2007, а и во 2001 г.“, изјави Димовски обидувајќи се да го лоцира изворот на наводното сценарио.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.