Македонија
“Беше еднаш во Македонија“ Мориконе

Италијанскиот композитор Енио Мориконе, денеска свечено ќе го отвори 49-то издание на Охридско лето во Античкиот театар
Беше еднаш во Македонија е насловен спектаклот со кој светски познатиот композитор Енио Мориконе ќе го означи почетокот на овогодинешниот фестивал. Музиката од филмовите Добриот, лошиот и грдиот, Беше еднаш на Дивиот Запад, Недопирливите, Беше еднаш во Америка, ќе можат да се слушнат на концертот во Античкиот театар во Охрид под диригентската палка на Мориконе.Претседателот на Македонија Ѓорге Иванов во саботата го одликува Мориконе со медал за заслуги за Македонија, затоа што со своето учество на Охридско лето и дал значење на Македонија и ја промовирал како светска туристичка дестинација.Освен Мориконе, кој е ѕвездата на фестивалот, во Охрид ќе настапат и други познати музички имиња, како Един Карамазов кој соработува со Стинг. И годинава ќе има оф-програма со етно, џез и поп-концерти, покрај редовната програма. Античкиот театар, Долни Сарај, црквата Света Софија и нејзиното предворје се стандардните локации на кои ќе се одржува Фестивалот.Во театарскиот дел од програмата, на Охридско лето доаѓа претставата Среќни денови на еден од најславните режисери на денешницата – Роберт Вилсон, а прв пат ќе гостува и театарот Ист Вест на познатиот Харис Пашовиќ.Фестивалот и во своето 49-то издание, се очекува да го потврди високиот меѓународен углед на манифестација со највисоки уметнички дострели и со сите својствени карактеристики и специфичности што го прават посебен, препознатлив и единствен во овие наши простори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пациентите кои се префрлени во странство се во стабилна состојба и под континуирана медицинска нега

Министерството за здравство информира дека од раните утрински часови во Клиничкиот центар функционира кризниот штаб, во тесна координација со Министерството за внатрешни работи и Министерството за надворешни работи. Тимовите на здравствените установи се целосно ангажирани за обезбедување соодветна медицинска нега, а состојбата на сите пациенти се следи внимателно, при што се спроведуваат конзилијарни одлуки за натамошните медицински постапки, информираат од министерството.
Според соопштението, во текот на денешниот ден се згрижени над 140 пациенти, распределени во здравствените установи низ земјата:
• Клинички центар – 20 пациенти
• ГОБ „8 Септември“ – 20 пациенти
• Универзитетска клиника „Св. Наум Охридски“ – 21 пациент
• Клиничка болница Штип – 20 пациенти
• Општа болница Кочани – 7 пациенти
• Клиника за токсикологија – 2 пациенти
„Покрај медицинската грижа во земјата, дел од пациентите се префрлени во здравствени установи во странство, како резултат на меѓународната поддршка и соработката со партнерските земји:
• Република Турција: 3 пациенти пристигнаа во Истанбул, а дополнителни 6 пациенти се очекува да пристигнат во Анкара до полноќ.
• Република Бугарија: 14 пациенти се хоспитализирани.
• Република Грција: 4 пациенти се згрижени.
• Република Србија: 5 пациенти се веќе хоспитализирани, а дополнителни 12 пациенти со воен авион се на пат кон Белград.
• Република Хрватска и Романија: Се очекува во тек на утрешниот ден да бидат испратени по 4 пациенти во секоја од овие земји.
• Република Словенија, Унгарија и Австрија: Во текот на утрешниот ден се очекува овие земји да испратат медицински авиони за транспорт на пациенти.
Сите пациенти кои се префрлени во странство се во стабилна состојба и под континуирана медицинска нега.
Како дополнителна поддршка во справувањето со кризата, во земјата пристигна медицински тим од ВМА Белград, а се очекуваат и медицински тимови од Чешка, Израел и Белгија, кои ќе се приклучат на напорите за обезбедување соодветна здравствена грижа.
За сите информации поврзани со состојбата на пациентите кои се наоѓаат во странство, како контакт лице е именуван проф. Д-р Игор Николов, кој е достапен на телефонскиот број: +389 72 270 648.
Министерството за здравство останува во постојана комуникација со сите надлежни институции и меѓународни партнери за натамошна координација и поддршка“, велат од ресорното министерство.
Македонија
Обвинителството поведува постапка за проверка на 11 лица, за осум веќе е поднесен предлог за краткотраен притвор

Обвинителството до овој момент поведува постапка на проверки за вкупно 11 лица.
Од нив предлог за краткотраен притвор е веќе поднесен за 8 лица, додека останатите 3 се уште се хоспитализирани во потешка здравствена состојба, истакнуваат од таму.
„Постапката во однос на нив ќе продолжи веднаш кога состојбата ќе им се подобри. Дејствија продолжуваат да се преземаат за испитување на одговорност на повеќе лица“.
Македонија
Сопственици на апартмани во Солун и Неа Каликратија во Грција им понудија бесплатно сместување на родителите на повредните пренесени на лекување во Солун

Сопственици на апартмани во Грција им понудија бесплатно сместување на родителите чии деца се пренесени на лекување во Солун. На социјалните мрежи тие споделуваат телефонски броеви на кои може да се јават родителите и роднините на повредените деца за да побараат сместување. Понуденено е сместување во Неа Каликратија, оддалечена триесеттина километри од Солун и во Солун.
Попладнево министерот за здравство Арбен Таравари извести дека на лекување во Солун се испратени тројца повредени во пожарот во дискотеката во Кочани.
На лекување во странство се испратени вкупно 47 пациенти. Покрај тројцата во Солун, 14 повредени се испратени во Бугарија, од кои во Софија се осуммина, во Пловдив се тројца и во Варна се упте тројца. Во Белград е испратен еден пациент, во Ниш еден, во Истанбул тројца пациенти, а со авион најави дека вечерва ќе одат уште шестмина. Договорено беше вечерва четворица пациенти да бидат пренесени во Хрватска и уште 15 во Белград.