Македонија денеска треба пред Меѓународниот суд на правдата во Хаг да го поднесе меморандумот со писмените докази во спорот против Грција

Македонската страна смета дека Спогодбата е на­ру­ше­на при грчкото вето при пријавата за член­ство на Македонија во НАТО на Са­митот на НАТО одржан во Букурешт во април 2008 г. Милошоски, исто така, потенцираше де­ка македонската страна цврсто останува посветена на сите аспекти од Времената спогодба, особено на преговарачкиот про­цесот со Грција, со посредништво на специјалниот пратеник на Генералниот секретар на ОН, Метју Нимиц. За застапник на Република Македонија пред Меѓународниот суд на правдата е назначен министерот Антонио Ми­ло­шо­ски, а како ад-хок судија во овој случај пр­ед Судот е назначен хрватскиот професор по меѓународно право, д-р Буди­слав Вукас, инаку професот на Пра­­вниот факултет на Загрепскиот уни­верзитет. Метју Нимиц, изјави дека од македонски­те власти добил уверување дека нема да се откажат од преговорите и барањето за­едничко решение за проблемот. „Сигу­рен сум дека ова постапка нема да ја намали посветеноста на македонската вла­- да за продолжување на процесот под по­кровителство на Генералниот секретар за изнаоѓање решение за името, и дека Владата има намера во најскоро време да именува нов преговарач во разговорите во ООН”, изјави Нимиц при поднесување на тужбата од македонска страна. Атина имала легални причини за ветото, пишува грчкиот печат. Грчката министерка за надворешни работи Дора Бакојани, по средбата со грчкиот премиер, изјавила дека за ветото во Букурешт Грција однапред обезбедила правно поткрепени причини, па поради тоа и тие поднесле противтужба.