Германскиот дипломат Франк Штосел, што треба да започне со работа во Гераманската амбасада во Скопје, утре ќе пристигне од Берлин со велосипед

По поминати 2.500 километри, низ седум земји, Франк Штосел ќе старува во Одделението за култура и печат при Германската амбасада во Скопје. Тој тргна од Берлин пред две и пол недели каде работел во Министерството за надворешни работи. „Германската амбасада во Скопје докажа: Дипломатите можст повеќе да држат говори и водат преговори. Тие на пример можат да возат велосипед и тоа прилично добро“, се вели во соопштението од Германската амбасада.„Кога се патува со велосипед, се осознава многу повеќе за земјата и луѓето. Човек станува свесен дека Европа не баш така мал континент и е неверојатно убав. Можам само да ја препорачам оваа Тour d’Europe“, вели Штосел.Штосел заминал од Берлин, преку Прага, Виена покрај Дунав до Будимпешта. Поради поплавите во делот на Европа каде поминувал Штосел, се одлучил за подолгиот пат преку Нови Сад и Белград. Германскиот дипломат попатно застанал во Неготин и Пирот во Србија, како и во Ќустендил, Бугарија. Како што соопштуваат од германската амбасада, расположен и среќен стигнал во Македонија, во Куманово. Утре Штосел ќе ја оствари својата цел на пристигнување Скопје, во претпладневните часови.