Најдобрите 18 студенти од завршните години на факултетите низ Македонија добија бесплатни шенген-визи за патување низ Европа

„Целта на проектот ’Патуваме во Европа’ е 18 членки од Македонија преку патување и посети, директно да се запознаат со демократските предности, навики и култури на другите земји и да ги промовираат и доближат тие вредности во Македонија“, изјавија од Граѓанската асоцијација МОСТ, што го организираат овој проект.Ова е трета генерација на студенти кои ја искористиле оваа предност да патуваат во Европа. Досега 60 студенти во текот на изминатите три години биле учесници во овој регионален проект во кој студентите од Македонија, Србија, Косово, Босна и Херцеговина, Црна Гора и Албанија ги претставуваат нивните земји во Европа. Студентите добија Inter Rail карта за едномесечно патување низ Европа. Нивното патување ќе започне во среда со тридневен престој во Берлин, што е голема чест за претставникот на Германската амбасада во Скопје, Соња Боне, која ја донираше бесплатната шенген-виза.„Имаме и причина да бидеме и малку нажалени денеска, бидејќи оваа е последна година во која ние можеме да ви помогнеме со вашите патувачки визи“, изјави Боне, нагласувајќи ја предноста што со себе ја носи визната либерализација. Таа ги очекува и студентските аспекти за нејзината држава. Им додели и посебни бележници за да ги запишат нивните впечатоци, за кои, како што рече, „ќе им одземе малку време од нивното патување“.„Ова ќе биде убаво искуство, нови знаења, изучување на јазиците и културите на другите земји различни од нашата“, рече Виолета Стојаноска, студент од Медицинскиот факултет во Скопје и еден од студентите кои ќе патуваат во Европа, додавајќи дека досега не патувала во Европа.Конкурсот беше отворен за сите студенти од завршните години кои се со просек 8,5. 18-те студенти добија и осигурување од Сава Табак, пари од НЛБ Тутунска банка, а попусти во текот на своето патување ќе можат да искористат со ISIC картичката донирана од Аурора Турс.