Законот за собрание и законот за државни службеници, ако и продолжување со примената на Рамковниот договор до 15 септември би биле доволни за Македонија да добие препорака за почеток на преговорите со ЕУ во октомврискиот извештај Европската комисија.

Ова денеска го брифираа високи владини извори тврдејќи дека се реални шансите државата на есен да добие датум за почеток на преговори со Унијата. Висок владин функционер вели дека Македонија ќе ги исполни 8 одредници на Унијата до 15 септември, вклучувајќи ги оние за реформи во судството и политичкиот дијалог.„Политичкиот дијалог е решен со лидерските средби кои докажуваат дека за одредени прашања од национален интерес може да се седне и да се разговара. Со двата закона и поддршката на континуираната имплементација на Охридскиот рамковен договор, Европската комисија ќе биде во можност да даде препорака“, вели изворот.Според него, освен крупните прашања треба да се завршат и околу стотина други поситни обврски поврзани со одредниците.„Никој не очекува дека на 15 септември ќе имаме независна и реформирана државна администрација, туку потребно е да покажеме прогрес во оваа сфера“, вели владиниот извор.Според новиот закон за државни службеници кој е во владина процедура, а наскоро треба да се најде и пред пратениците се предвидува државните секретари во министерствата да имаат мандат од 5 години и пред именувањето на функцијата да имаат работено во институцијата најмалку 3 години. Со тоа би се избегнало поклопување со мандатот на Владата.Она на што предупредуваат владините извори е дека е неизвесно дали Европскиот совет ќе ја прифати препораката на Комисијата за почеток на преговорите. Висок владин функционер вели дека дури и Македонија да добие датум за преговори, не е исклучено Грција да го услови фактичкото отпочнување на преговорите се до моментот на решавање на проблемот со името. Со тоа би се создала ситуација слично како зачленувањето на државата во НАТО по самитот во Букурешт.Од владата не стравуваат дека одлуката за датум за преговори може да ја загрози Бугарија, чија нова власт деновиве дава изјави во таа насока.