Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот не е подготвена да ги започне преговорите за членство и дека Северна Македонија е близу до таа цел.

Руте на маргините на неодамнешниот самит на НАТО во Лондон рече дека земјите што бараат членство во ЕУ треба да бидат подготвени, како што била подготвена Црна Гора кога ги започнала преговорите.

„Не веруваме дека Албанија е подготвена да ги започне преговорите со ЕУ во овој момент, а што се однесува до Северна Македонија, таа е поблизу до целта“, рече Руте за подгоричка „Победа“.

Тој додаде дека некои земји не сакале да биде разделен процесот на преговори на Северна Македонија и Албанија со Брисел.

„Некои други не го сакаат тоа, поради што на последниот Европски совет решивме да не напредуваме во однос на отворањето преговори со овие земји“, рече Руте, пренесува порталот РТЦГ.

На прашањето дали 2025 година е навистина реален рок за пристапување на една од земјите од Западен Балкан во ЕУ, Руте одговори дека пристапувањето во ЕУ до одреден датум не е цел сама по себе.

Заменик претседателот на Владата задолжен за европски прашања, Бујар Османи денес учествуваше на Конференцијата за промоција на програмата „Европски корпус на солидарноста“, на која домаќин беше Директорката на Националната агенција за европски образовни програми и мобилност, Лидија Димова.

„Членството во новата програма на ЕУ, „Европски корпус на солидарноста“ отвора големи можности за учество на нашите млади во волонтерски активност“, истакна Османи, посочувајќи дека овој проект е во насока на амбициите на Владата на Република Северна Македонија да ги препознава легитимните потреби и амбиции на младите за нивната иднина, со што младите би биле стимулирани да останат во земјава, наместо својот успех да го бараат надвор од земјата.

„Ние во СЕП ги обезбедивме ИПА средствата за учество во програмата за 2019 и 2020 година и се надеваме дека земјата, односно младите во земјата ќе ги препознаат можностите што ги нуди оваа Програма на Унијата“, додаде Османи.

Програмата „Европски корпус на солидарност“ (ЕСК) започна со имплементација во октомври 2018 година и истата беше достапна само за државите-членки на ЕУ, а на иницијатива на Националната агенција за европски образовни програми и мобилност беше потпишан Договорот меѓу Република Северна Македонија и Европската унија за учество на Република Северна Македонија во Европскиот солидарен корпус.

Во продолжението на судењето за случајот „Рекет”, сопругата на Орце Камчев, Ана Камчева, рече дека 350 илјади евра за рекет за подобра положба на нејзиниот сопруг, ги извадиле од фирмите што ги имаат, а ги донела лично во несесер нејзината свекрва, Ратка Камчева.

„Потоа ме зема со кола Зоран Милевски и се упативме во станот на Бојан Јовановски во населбата Орман. Катица седеше во дневната соба. Се поздравивме со госпоѓата Катица Јанева и разговаравме за децата. Јас ѝ реков како ми е мене со децата и како поминувам, а таа ми рече: Да не беше Бојан Јовановски, син ми ќе работеше на брод. Ние ги дадовме 500 илјади евра”, рече Камчева во сведочењето.

Таа кажа дека Јанева ѝ спомнала дека за гаранцијата од 14 милиони евра може кривично да ги гони неа и проценителот, зашто дел од имотот бил под кирија.

“Катица Јанева ми напомна дека ако овој разговор излезе од домот на Бојан Јовановски, ќе знае дека е од мене, бидејќи имаше доверба во нив. Рече дека може не само еден, туку многу предмети да му отвори на Камчев. Се закануваше со нејзината моќ. Се плашев од моќта на Јанева. Но, не е таа што ја има моќта. Специјален јавен обвинител е Бојан Јовановски. Тој знаеше се. Кој ќе биде притворен следен, и се што кажуваше, така се случуваше”, сведочеше Камчева.