Македонија
Херцог: Македонија сака и треба да биде член на Европската Унија
![](https://makfax.com.mk/wp-content/uploads/2016/11/bad4c6f9-ade2-48b3-a137-d3d2fb07c78d.jpeg)
Македонија не ги заборава своите пријатели, рече претседателот Иванов при денешната прошетка со поранешниот германски претседател Роман Херцог, кому вечерва во Охрид ќе му го додели одликувањето за заслуги орденот „8-ми Септември“
„Секако дека за Македонија има уште многу големи предизвици. Таа сака и треба да биде член на Европската Унија. За разлика од она што можев да го видам пред 12-13 години и она што го гледам сега навистина таа се развива на многу добар пат“, рече поранешниот германски претседател Роман Херцог, компарирајќи ги неколкуте периоди во кои се остваруваат неговите посети на Република Македонија.Тој денеска ќе иде одликуван од македонскиот претседател Ѓорге Иванов за придонесот во периодот на осамостојувањето на државата. „18 години во животот на човекот претставуваат полнолетство. Но како што јас веќе реков, нашето полнолетство се оствари во 1991 г. Таа независност мина низ еден период на своевиден тест за тоа дали државата е подготвена да биде независна и суверена. Бадентеровата комисија беше таа што врз основа на Уставот на новата држава донесе одлука. Г-дин Херцог како член на Бадентеровата комисија придонесе Македонија освен Словенија да биде препорачана како држава која по отцепување од СФРЈ ги исполнува сите и заслужува да биде суверена држава. Ние никогаш не ги забораваме нашите пријатели, така што оваа година по 18 години е вистинскиот момент да му одадеме заслуженото признание на г-дин Херцог за она што го направи за Република Македонија, и тој беше првиот државник што ја посети Република Македонија, со тој чин укажувајќи дека заслужуваме да бидеме суверена држава во редот на другите демократски држави во светот. Одговарајќи на новинарско прашање, претседателот Иванов најави дека за два дена ќе замине во официјална посета на Германија.„Таму ќе се видам со актуелниот германски претседател и ќе ги продлабочиме врски што постојат меѓу Македонија и Германија“, рече Иванов додавајќи дека со оваа посета ќе се укаже дека Македонија има вистински пријатели во светот кои ја ценат и ја почитуваат.„Македонија заслужува да биде почитувана. Она што ни следи, што го очекуваме, позитивниот извештај од Европската комисија да дојде во вистинскиот момент, бидејќи ние, Македонија, вложи и направи се’ што беше побарано од неа за да докаже дека му припаѓа на заедничкиот простор“, додаде претседателот Иванов објаснувајќи ја целта на неговата посета на Германија и потенцирајќи дека очекува позитивен извештај од европската комисија за препорака за отпочнување на преговорите за полноправно членство на Република Македонија во Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.