Вистински куриозитет се случи со проектот на општина Кисела Вода, „Да ја разубавиме општината”, каде привремено беа ангажирани сто невработени лица на период од шест месеци за вршење на работи од јавен карактер

Имено, во книгите  за евиденција, во кои лицата кои главно се задолжени за одржување на хигиената на општината ги заведуваа извршените активности, жителите на Кисела Вода, самоиницијативно започнаа да оставаат потписи и коментари за успешноста на оваа акција. Ваквата иницијатива беше побарана од жителка на населбата Кисела Вода, која е задоволна од работата и степенот на хигиената на општината по вработувањето на овие лица. Притоа, од 21 август  од кога е ставен и првиот потпис од граѓаните кои се задоволни од досега завршените работни задачи, досега има вкупно 127 лица кои дале поддршка на овој проект. Во книгата за давање критики и пофалби, постојат графи за граѓани кои се задоволни од работата и граѓани кои не се задоволни од работата, но истовремено се оставени и простори за коментари. Сите 127 лица кои досега се потпишале, се задоволни од завршените работни задачи на стоте лица ангажирани во проектот.„Изјавувам дека одржувањето на паркот кај киното „Кисела Вода“ кое се одржува  од страна на вработените од општина Кисела Вода е во најдобар ред. Оваа акција е за поздравување и треба да продолжи во иднина”, вели Васил Костов, од ул. „ Сава Ковачевиќ”. „Многу сум задоволен од акцијата што се остварува во населба Припор и во иднина да продолжат со ова темпо на работа”, изјавува жител од населба Припор. „Браво, браво, браво”, е коментарот на Аца Делова, од Кисела Вода.Сите коментари се со знаци на задоволство, а во одредени изјави има и извесна доза на самокритичност во однос на нивото на еколошката свест кај самите граѓани.„Работниците се прекрасни и одлично ја вршат работата, ама ние луѓето не чиниме и правиме ѓубре повторно и повторно. Мора да се делува на подигнување на еколошката свест кај граѓаните. Само тоа е спасот”, напишала анонимна жителка на Кисела Вода.