Градоначалникот Марјан Ѓорчев го посети затруеното девојче, и побара од директорот на основното училиште „Рајко Жинзифов“ уште вечерва да се состане советот на родители, сите да бидат информирани и да се расчисти случајот

„Почитувани, во врска со случајот со учениците од ЦОУ “ Рајко Жинзифов” од населба Драчево, ве известуваме дека:На ден 17.09.2009 год. во училиштето имаше забележително отсуство на ученици од целодневната настава. Во текот на денот и мал број други деца кои утрото беа дојдени на настава, ја напуштија наставата. Во текот на вечерните часови директорот на училиштето добил сознание дека 14 ученици со своите родители побарале лекарска помош на Инфективната клиника. По извршениот преглед од страна на стручните лица од клиниката, 13 деца се пуштени дома, а едно е задржано на понатамошно лекување. Истовремено и една наставничка, покажала симптоми на труење, но по извршениот медицински преглед, истата е во добра здравствена состојба и е на домашно лекување. Вкупниот број на ученици кои не ја посетиле наставата вчера изнесува 63.На 18.09. 2009 од страна на училиштето, уште во раните утрински часови е известен Санитарниот инспекторат, по што веднаш пристигнаа во училиштето заедно со службени лица од Епидемиолшката служба. Земени се мостри за испитување, а земени се и брисеви од вработените лица од фирмата “Пудо Младост”, од Скопје, која ја врши доставата и предавањето на храната на учениците. Се до добивањто на конечните резултати од испитувањата, кујната е привремено затворена од Санитарниот инспекторат. ЦОУ “Рајко Жинзифов”, е краен корисник на услугите од фирмата, а за таа цел ја има отстапено  кујната на добавувачот, за вршење на тековните активности во врска со дистрибуцијата на храната и нејзиното делење на учениците. Фирмата која врши дистрибуција на готовата храна е избрана согласно законските прописи, како најповолен понудувач на јавниот оглас од вкупно шест фирми кои аплицирале. Изборот го изврши Комисија составена од 7 члена ( 3 наставници, 2 родители-членови на училишниот одбор, и 2 претставници, од кои еден од Министерството за образование и еден од локалната самоуправа).Во текот на денешниот ден претставници од општина Кисела Вода го посетија ЦОУ “Рајко Жинзифов”, а градоначалникот Марјан Ѓорчев, беше на Инфективната клиника каде го посети девојчето кое е хоспитализирано, разговараше со родителите и со медицинскиот персонал. Притоа, директно се запозна со моменталната здравствена состојба на девојчето која според медицинскиот тим, е добра и со подобрена клиничка слика, при што веќе во наредниот период ќе биде пуштена дома.Вечерва, директорот на ЦОУ “Рајко Жинзифов”, свика Родителски Совет, на кој родителите ќе бидат директно запознаени со конкретната состојба, но истовремено ќе се апелира и на родителите на останатите деца кои се’ уште не биле на лекар, а имаат пројавено соодветни симптоми, тоа да го направат што побрзо.Градоначалникот Марјан Ѓорчев оствари контакт и со родителот на девојчето кое е хоспитализирано на Инфективната клиника и понуди секаква помош, која би била потребна за надминување на оваа ситуација. Контакт е оставрен и со наставничката која моменатлно се наоѓа во домашни услови и е во добра здравствена состојба.“, стои во соопштението на Општина Кисела Вода.