Македонија
Земјоделците учеа како да ги користат Европските фондови

Фондацијата Евро Центар, во соработка со Општина Кисела Вода и финансиски поддржано од Институтот Отворено Општество-Македонија, спроведе информативна работилница насловена како „Кој и како до ЕУ фондовите за земјоделство”
Оваа работилница е дел од активностите за реализација на проектот “Подобра апсорпција на ЕУ фондовите за земјоделство”. Проектот ќе се реализира до крајот на годината, а ќе се посетат повеќе од 50 општини во 5 плански региони во земјава. Општина Кисела Вода е прва посетена општина од низата која следува. На работилницата, која се одржа во салата за седници на Советот на Општина Кисела Вода, присуствуваа околу 30-ина лица-примарни земјоделски производители и претставници од преработувачкиот сектор. На крајот од работилницата беа поделени брошури во кои се дадени насоките за начинот и можноста за ефикасно искористување на Еу фондовите, кои се достапни за земјоделците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Кој гради на местото на јавниот базен во Сарај, прашуваат од „Вреди“

Во Општина Сарај продолжуваат градбите кои се изведуваат тајно и без соодветна законска документација, реагираат од „Вреди“.
„Во Сарај се гради или реконструира објект кој некогаш беше јавна сопственост, заедничко добро на сите граѓани, а денес е претворен во приватна сопственост.
Станува збор за базенот сместен во спортско-рекреативниот центар во Сарај, кој во 2023 година, од страна на тогашната влада составена од ДУИ и СДСМ, беше трансформиран во сопственост на Општина Сарај. Од тогаш па наваму, нема објавено ниту една официјална информација за овој објект, кој требаше да остане во служба на сите скопјани“.
Во Општина Сарај како што подвлече Мухамед Елмази од „Вреди“ владее молк. Градбата, појаснува тој, се одвива без никаква информативна табла на теренот, без јавна најава, без истакнат број на градежна дозвола и без податоци за инвеститорот.
„Сè се одвива во целосна тајност.
Општина Сарај должи одговори на жителите на Сарај и пошироко:
• Кое е претпријатието што го гради објектот?
• Кој е инвеститорот и со какви средства се финансира изградбата?
• На која правна основа се гради?
• Кога е донесена одлуката за оваа градба?
Во меѓувреме, Градот Скопје, како и секогаш кога станува збор за интереси на актуелниот градоначалник на Сарај и неговиот претпоставен Блерим Беџети, молчи.
Во сите случаи поврзани со Блерим Беџети, Градот Скопје се однесува како да нема надлежност за надзор, инспекција или прашања поврзани со земјиштето и урбанистичките интервенции“.
Од партијата бараат Општина Сарај веднаш да ја објави целата документација и официјалните информации поврзани со овој објект.
Бараат и Градот Скопје да спроведе целосна инспекциска контрола и да ја информира јавноста транспарентно, јасно и одговорно.
Македонија
Стојкоски: Улицата Воин Драшкоци и патот Волково – Кучково меѓу 𝟤𝟦-те одобрени проекти со поддршка од Владата

Градоначалникот на Општина Ѓорче Петров, Александар Стојкоски, ги истакна двата најзначајни инфраструктурни проекти од вкупно 24 кои добија поддршка од Владата на Република Македонија и Министерството за локална самоуправа, преку Програмата за рамномерен регионален развој.
Проектите се со вкупна вредност од над 58 милиони денари и се од суштинско значење за локалниот развој на општината.
„Улицата „Воин Драшкоци“ во Хром – ќе биде реконструирана во должина од 1 километар, со ширина од 7 метри, која за прв пат ќе добие и атмосферска канализација, со што значително ќе се подобрат условите за жителите од овој дел на населбата.
– Патот Волково – Кучково – се реконструира и проширува со цел да добие современ и безбеден изглед. Овој патен правец е од голема важност за мештаните, земјоделците и сите кои секојдневно гравитираат кон овој потег“, се наведува во соопштението на Општината.
„Горди сме што во вкупната поддршка од Владата за проекти во локалната самоуправа се вклучени и два значајни проекти за Ѓорче Петров“, изјави Стојкоски.
Се грижиме, како што рече, за секое населено место и инвестираме таму каде што реално е најпотребно.
Македонија
СДСМ: Театарот на Мицкоски за внатрешни непријатели е обид да се скрие вистината за бугарските пасоши

Во целосен очај и паника е ВМРО-ДПМНЕ откако се обелодени скандалот дека Мицкоски имал бугарска самосвест и барал да извади бугарски пасош. Мицкоски се уште на ги демантира информациите за тоа дека барал бугарско државјанство, па наместо тоа во паника мора да ја обивнуваат СДСМ за да си го спасат рејтингот, велт од опозициската партија.
Според СДСМ, кампањата на ДПМНЕ преполна со лаги, навреди и барање внатрешни непријатели е одамна прочитана книга.
„Излитена плоча која веќе никој не ја слуша. Но граѓаните ја знаат вистината. И таа вистина е дека овој театар со „патриоти и предавници“ служи само за едно – да се сокрие епскиот неуспех на власта на Мицкоски и ВМРО-ДПМНЕ. Служи за да се скрие фактот дека Мицкоски и пола од неговата Влада имаат бугарска самосвест. За повеќе од една година оваа власт нема ништо ама буквално ништо испорачано за подобар живот и иднина за граѓаните.
Служи да се скријат сите скандали, длабоката партизација, нарушената безбедност и убиства, урнисан животен стандард, осиромашени земјоделци“.
Ова, како што додаваат, е веќе многу пати видено сценарио во кое ВМРО-ДПМНЕ фатени во врвот на сопственото лицемерие и антимакедонизам креираат атмосфера на поделби.
„Им порачуваме само едно, граѓаните овој филм го имаат гледано многу пати. Граѓаните ви ја препознаваат лажната грижа, лажниот патриотизам, ви ја читаат пропагндата и мизерните поделби. Знаат дека тоа е пат кон пропаст, пат кон трајно уништување на макеоднското национално ткиво. Тоа што го правите е вистинско национално самоубиство со единствена цел да го скриете својот катастрофален неуспех на секое поле“.