По барањето на студентите-апсолвенти од Правниот факултет „Јустинијан Први“, кое денеска беше изнесено пред јавноста за намалување на партиципацијата за постдипломски студии, министерот за образование и наука Тодоров изјави дека Министерството не е одлучува дали ќе се намали партиципацијата

„Клучно прашање во овој случај е формирање Совет за развој и финансирање на високото образование, кое поскоро треба да биде формирано за да се надминат сите вакви проблеми. Овие проблеми произлегуваат токму од недостатокот, односно неоформувањето на ова тело, за коешто се надевам дека во најскоро време ќе почне да функционира и реално и соодветно ќе одговори на предизвиците што согласно законот му се дадени како ингеренција“, рече Никола Тодоров.Тој истакна дека принципот на студирање на овој факултет не го вовело Министерството за образование и наука, туку дека тоа е законско решение, донесено од страна на Парламентот, кое според него мора да се има во предвид, како и автономијата на универзитетите.На прашањето кој одлучува за партиципацијата и интегрираноста на постипломските студии на Правниот факултет, министерот рече дека за тоа не одлучува Министерството.„Не е Министерството во прашање. Ако го видите Законот за високо образование и ако ги видите надлежностите на Советот за развој и финансирање, ќе видите дека тоа спаѓа во делокругот на Советот. Ние работиме интензивно на оформување и градењето на капацитетите за можност за профункционирање на ова исклучително битно тело. Советот е едно интерресорско тело составено од повеќе чинители:од универзитетите, од бизнис-заедницата, претставници од Студентскиот парламент и претставници номинирани од владата“.Додека студентите се прашуваат како да ги продолжат студиите од втор циклус и се молат за намалување на партиципацијата, која реално во ова време за на државен универзитет е преголема, од Деканатот велат дека тоа треба да го реши Министерството, а од Министерството велат дека ја имаат предвид автономијата на универзитетите.