Директорот на зоолошката градина во Скопје Анастас Петров денес е разрешен од функцијата по устен пат, јави Макфакс. Во четвртокот Петров имаше итнервју за Форум, за кое во петок побара да не биде обајвено, зашто, како што ни рече, утрото бил усно информиран дека ќе биде разрешен

Анастас Петров, директорот на Зоолошката градина во Скопје, е разрешен од својата функција. Се’ уште не е официјално писмено потврдена, но директорот на Зоолошката ни потврди дека е усмено разрешен од својата функција. Од Советот на град Скопје, пак, не’ информираа дека се’ уште се преиспитува работата на неговата работа како директор. Причините за усменото разрешување се’ уште не се познати, ниту кој му ја врачил одлуката за негово разрешување. Во Зоолошката градина минатиот петок почина камила од пукање на желудникот бидејќи од несовесните посетители на Зоолошката и биле дадени кеси од грицки, што можеби е една од причините за разрешувањето на директорот, како и вкупната лоша состојба на Зоолошката чие обновување се оддолжи во времето на претходниот скопски градоначалник Трифун Костовски. Во четртокот Форум направи итнервју со г-дин Петров, токму за состојбата во која се наоѓа Зоолошката градина и грижата за животните. Притоа, нашиот соговорник, од неразбирливи причини за нас – одби да биде фотографиран. Во интерес на јавноста, Форум ви го презентира разговорот со, како што стојат сега работите, директорот на заминување на скопакста зоо-градина.Зоолошката градина загуби уште еден свој член минатиот петок камилата која беше родена  и  целиот свој живот го мина во Скопје. Поради несоодветната исхрана од несовесните граѓани, таа почина од прскање на желудникот бидејќи во неговата содржина биле пронајдени кеси од „смоки“ и разни прехранбени продукти кои и ги давале посетителите. Овој инцидент беше немила но сепак доволна причина за Форум да направи интервју со директорот на Зоолошката градина во Скопје, Анастас Петров, за од прва рака да ни објасни со какви проблеми се соочува зоолошката градина, но и за плановите за нејзиното реконструирање.Форум: Смртта на камилата во петокот  беше предизвикана од несовесните постапки на граѓаните на Скопје.  Што се презема во западните земји за да се пречат ваквите инциденти? Анастас Петров: Има неколку фактори кои влијаат на ваквите работи. Старите живеалишта се изградени на таков принцип така што посетителите доаѓаат во директен контакт со животните. Можете да го погледнете и самото живеалиште. Животните се  директно изложени на посетителите. За да се промени тоа, важни се неколку фактори. Изградба на нови живеалишта каде условите ќе бидат малку поинакви. Обично се прават суви канали и двојна ограда за да животното биде многу подалеку од самите посетители или воопшто да не биде во контакт со посетителите. Нормално ако некој фрли нешто преку оградата, тоа ќе биде многу поретко отколку кога директно може да се дојде до животното и да се храни директно од рака. Вториот фактор е едукацијата. Да се развива едукативниот програм кај младите каде преку слики се прикажува на најмладите што би се случило со несоодветното хранење. Мислам дека тоа е најделотворен начин за развивање на свеста, грижата и љубовта кон животните, но и кон природата. Дали превентива би било да се забрани на посетителите да внесуваат храна несоодветна за животните уште на самиот влез во Зоолошката градина?Во сите зоолошки градини, не само кај нас, и во странство има разни продавници и шопови во самите зоолошки каде се продава се и сешто, па многу тешко би можело тоа да се спроведе. Секој ако сака нешто да внесе, во секој случај ќе го внесе и, на крајот на краиштата, некој што поминува 5-6 часа во Зоолошката, не можете да му забраните да купи некој пијалак или јадење.

Дали би можело тоа да се направи со кампањи кои ќе се обратат до младата популација да се подигне свеста за однесувањето во Зоолошката градина, со цел да се спречат вакви инциденти?Да, планираме изградба на едукативен цетар, каде ќе се развива свеста кај најмладитеи  каде би им се прикажале сите природни процеси преку забава и игра и би се едуцирале во поглед на тоа како да се однсуваат спрема животните. Тоа би била едукација на една цела генерација преку информативните табли и информациите за животните. Во зоолошките во Европа се градат ЗОО лаборатории каде се врши целата ЗОО едукативна програма.

Забележав дека се градат нови живеалишта и се реконструираат старите. На кој принцип ќе бидат изградени  живеалиштата за животните?Да, започната е реконструкцијата на живеалиштата, а некои веќе се завршени. Тоа се доста големи живеалишта и со соодветна забава на животните во самото живеалиште. Оние делови кои тие ги имаат во  природата се ставени во живеалиштата така да тие животни веќе не одат до оградата како што е новото живеалиште за берберски овци. Тие не одат до оградите да бараат од посетителите да бараат храна, туку се движат во својот реон. Имаат вештачка карпа во средината и претежно се таму сместени. Додека беа сместени во стариот дел беше истата приказна. Постојано доаѓаа посетителите до оградите, беа хранети со се и сешто, а сега тоа е веќе спречено.  Самите животни добија некаков природен амбиент и имаат своја група и се движат во својот реон.

Колку нови  живеалишта за животните до сега се направени и колку се во план да се направат?Не беше само проблемот во живеалиштата во реконструкцијата на Зоолошката градина, имавме проблеми и со инфраструктурата и со оградата од зоолошката која ја дели зоолошката со паркот. Порано имаше комуникација со животните од посетителите во градскиот парк, па се направи еден ограден  ѕид од несакани влегувања, од посетители или од улични животни. Мораше да се направи нова инфраструктура  од типот на канализација, водовод, остана  уште мрежното поврзување на струјата. Трета работа беше и греењето. Знаете и самите дека кај нас греењето се исклучува во 10 часот, а имаме тропски животни кои во текот на ноќта остануваат без греење, како што се животните во терариумите. Новите живеалишта почнаа  да се опремуваат со индивидуално греење  кои и преку ноќта ќе го затоплуваат живеалиштето. Веќе се изградени живеалиштата за тигрите, берберските овци, елени, и белоглавите мршојадци, а за мајмуните, мечките и лисиците се при крај и за неколку месеци би требало да бидат готови. Белоглавите орли во природата се во изумирање, а во нашата заоолошка имаме 17 орли, така што имаме навистина успешна репродуција на орли. Во новото живеалиште за орлите тие можат и да летаат бидејќи е со димени 25 на 20 метри. Закочени сме од самите тендери кои долго траат.

А што ќе стане со старите живеалишта кои повеќе нема да бидат во употреба?Старата мајмунара се испразни, таа повеќе не е соодветна, а веќе имаме во план да од неа направиме едукативен центар кој веќе го споменав каде што ќе ги едуцираме посетителите. Старата слонара би се преименила за нилските коњи, а би се направило и езеро за истите. Веќе имаме неколку донации. Имаме во план реконструкција на живеалиштата на аксис елените, антилопите, па тоа би била една мала азиска сала. Шимпанзото Коко се врати во Скопје во новото живеалиште.

До кога би биле готови планираните проекти?Се има лоша претстава дека едно живеалиште треба да се изгради за многу кратко време, меѓутоа од самото планирање до сите детали кои треба да се направат, планирањето, тренингот на ЗОО-негувателите, воведување на животните во самото живеалиште. Минимално време е две до три години. Едно живеалиште од почетокот, планирањето набавување тендери и средства, уредување на самото живеалиште со реквизитите одзема доста голем период.

Колкав е превидениот буџет за изградбата на живеалиштата и од каде ги добивате средствата? Донациии, странски инвестици, од продажбата на билетите или Градот Скопје?Како што знаете, ние спаѓаме под градот Скопје, па така и средствата се од град Скопје, нешто се донации од Владата на Р. Македонија, нешто од спонзорства, а и од сопствени средства, од продажба на билети.

Дали имате во план да донесете нови  егзотични животни кои не се својствени за ова поднебје?Да, во самиот мастер план на зоолошката е да донесе уште егзотични животни. Тука би била, како што напоменав, тропската куќа, стариот ѕверовник би се реконстуирал во живеалиште за јагуари и животни од Јужна Америка, како на пример мали мајмуни, птици итн., потоа нови живеалишта за лавови и жирафи. Постојано ќе се носат нови животни.

Како се движи посетеноста на Зоолошката градина? Дали е забележан пад или пораст во посетеноста во однос на минатите години?Има благ пораст во посетеноста. Сега имаме околу 100 илјади посетители годишно. Од 80 до 100 илајди посетители на годишно ниво.