Македонија
На лидерски средби да се усогласуваат ставовите за спорот со името
Собранието да решава за решението околу спорот за името што Македонија го има со Грција, смета лидерот на Нова демократија, Имер Селмани, а политичките субјекти да се усогласат на лидерски средби
„Најмалку ни треба диверзија, односно најмалку ни требаат различни ставови помеѓу претседателот и премиерот и се разбира дека во овој пресуден момент, односно претставниците на народот во овој парламент треба да ја донесат најголемата одлука, односно одлуката за да направиме исчекор и компромис кон нашиот јужен сосед, којшто е недвосмилсено и единствен сега веќе услов за пристап и за остварување на нашиот сон. На сонот на граѓаните на Македонија за зачленување во НАТО и во Европската Унија“, рече денеска Имер Селмани, претседателот на Нова демократија.
Според него, лидерските средби не треба да се случуваат по неколку месеци, туку треба да ги има секоја недела.
„Колку повеќе средби имаме во текот на овие два месеца, сметам дека ќе имаме сплотен став, заеднички став, ќе придонесеме да не создадеме ралични толкувања и различни перцепции кај граѓаните и ценам дека тоа ќе ги подобри позициите во преговорите со нашиот јужен сосед“, вели Селмани.
За Абдулаќим Адеми, вицепремиерот за имплементирање на Охридскиот договор, секоја директна средба, како вчерашната меѓу премиерите Груевски и Папандреу, е придонес кон подобри односи помеѓу двете држави за поскоро и побрзо решавање на отворените прашања.
„На ваков начин, секако дека можат да се забрзаат работите бидејќи кога се разговара директно, без разлика за кои прашање се разговара, решението може да дојде и побрзо“, вели Адеми.
Според него, рано е да се зборува за тоа како ќе се решава спорот, а лидерска средба очекува доколку има некој нов момент.
„Мислам дека во овој момент сите треба да се посветиме да имаме чеклори напред кон решавање на ова прашање и после со консензус сите политички партии ќе одлучуваат како ќе одиме, дали ќе одиме со референдум или без референдум“, вели Адеми.
„Не само што нема два различни става, туку нема ниту еден став“, вели Никола Ќуркчиев од СДСМ, на прашањето за различните изјави на претседателот и премиерот во однос на одржување референдум за решавање на спорот со името. „Очигледно, претседателот Иванов лошо разбрал што мислел Груевски и не се сомневаме дека самиот многу брзо ќе се демантира. Премиерот Груевски повторно избегнувајќи да го соопшти својот став на македонската јавност за преговорите отвора други теми како референдум, која во моментов е депласирана. За да дојдеме до референдум треба да постои спогодба потпишана од Груевски и Папандреу“, рече Ќуркчиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.