Платите на невоздухопловниот сектор во М-НАВ, АД за давање услуги во воздухопловната навигација ќе се намалат за 50, додека останатите вработени остануваат со истите примања

Ова во среда на прес конференција го соопшти Живко Поповски, извршен директор на М-НАВ.Тој додаде дека одлуката не била донесена под притисок на Владата, туку дека имало укажувања и од Владата, но и од Евроконтрол, дека М-НАВ издвојува многу пари од сопствениот буџет за плати, односно дури 76 отсот.„Управниот одбор ја донесе оваа одлука по препораките за усогласување на платите со останатите вработени во јавната администрација“, рече Поповски.Според Беким Незири, финансиски директор во М-НАВ, со ова кастрење на платите годишно ќе се заштедуваат по 600 илјдиевра, кои ќе бидат наменети за развој и за обновување на системот.„Платите во воздухопловниот сектор нема да се намалуваат, бидејќи нивната работа е многу специфична и лично сметам дека нивните плати треба и да се зголемат“, рече Незири, одбивајќи да соопшти колкави плати земаат директорите, но и да покаже некаква препорака од Евроконтрол за намалување на платите.Од М-НАВ немаат став околу најавениот штрајк од страна на Синдикатот, но уверуваат дека и во услови на штрајк, безбедноста на системот ќе остане на највисоко ниво.Од друга страна, Синдикатот на М-НАВ тврди дека на околу 160 работници селективно им се намалуваат платите од 20 до 50 проценти, а Милорад Миловановиќ од Синдикат на воздухопловните техничари изјави дека бил и физички нападнат.