Малиот Емил Новески од Кавадарци кој боледува од леукемија бара помош од сите хумани луѓе да му помогнат за да ја надмине болеста

Единаесетодишниот Емил и неговите родители  ги замолија сите добри луѓе да им помогнат за Емил да преживее и велат дека помошта е бесценета само ако е добиена навреме, а времето е кратко.Само неколку часа пред на единаесетгодишниот Емил Новески од Кавадарци да му се влоши состојбата и пред да биде приклучен на апарат за дишење, тој и неговите родители побарале преку дневниот весник  „Вест” да ги замолат сите добри луѓе да му помогнат на ова момче.Потресната приказна на единаесетгодишното момче започнала во мај оваа година, кога поради висока температура било испратено на клиника, каде што се открило дека боледува од леукемија. Веста за болеста родителите ја примиле во шок, но по четирите макотрпни хемотерапии во октомври лекарите ги израдувале дека болеста целосно се повлекла. Радоста кратко траела. На редовната контрола во средината на ноември, со ужас било констатирано дека леукемијата повторно се вратила, и тоа во многу посилна форма. Сега единствена опција за спас на животот на Емил е трансплантацијата на коскена срцевина во најбрз можен рок на некоја од клиниките во Европа. Првичната сума за лекување би изнесувала над 100.000 евра, родителите се во паника.Емил има и своја група на facebook „За помош на Емил Новески“, каде што во еден од своите коментари вели „Јас сум силен, а вие ќе ми помогнете да бидам уште повеќе“.Неговите родители се вознемирени затоа што немаат доволно пари за лекувањето на Емил. Емил со своите единаесет години се бори и со болеста и се грижи за проблемите со кои се борат неговите родители.„Добрите луѓе многу и помогнаа на малата Мартина Димитрова којашто исто така е болна од леукемија и заедно со мене лежи во болницата во Скопје, па се понадевав дека ќе има луѓе кои ќе сакаат и мене да ме спасат. Знам дека од оваа болест се умира, затоа помогнете ми да живеам, вечно ќе сум благодарен“ -се потресните зборови што малиот Емил кои ги кажа за медиумите, а тоа како што вели е единствениот начин да стигнат до јавноста.Сега животот на емил е во рацете на Бог и на хуманите луѓе.Сите оние кои што сакаат да му помогнат на Емил можат да донираат парични средства на жиро сметката на Стопанска Банка200-002-018-470-082, за Емил Новески.

-Да и подадеме рака на Мартина!