Еврокомесарот за проширување Оли Рен смета дека Македонија е подготвена да ги почне преговорите со ЕУ и оти се уште постои можност да се реши проблемот со името до декемврискиот самит на Унијата

Оли Рен, како што јави радио Дојче веле програма на македонски јазик, во денешното обраќање пред Мешовитиот комитет за соработка меѓу Европскиот парламент и Македонија во Стразбур, рече дека решението на проблемот со името би ги зголемило шансите за добивање датум. Го нагласи напредокот што што го направи Македонија, посочувајќи оти земјата е способна да ги отвори преговорите со Европската Унија. Тоа, според него, би бил добар пример за останатите земји во регионот.Комесарот за проширување ги повика европратениците да ги охрабрат нивните влади да донесат храбра одлука, која ќе биде во насока на стратешките интереси на ЕУ, во кои спаѓа и проширувањето.Европратениците во расправата во Мешовитиот комитет најмногу се интересираа за добрососедските односи на Македонија и за еколошките проблеми со коишто се соочува државаите.Непосредно пред расправата по Извештајот на Европската комисија за напредокот на Македонија, претседателот на Мешовитиот комитет, Јоргос Шацимаркакис, предупреди дека комитетот не е место каде што треба да се дискутира за името на земјата, туку за нејзиниот напредок. Шацимаркакис оцени дека постои нов елан во односите меѓу Македонија и Грција и оти не треба да се очекува многу од средбата меѓу Груевски и Папандреу, за потоа да не дојде до разочарување од резултатот.Но, вели Шацимаркакис, оваа средба треба да се охрабри.