Македонија
Референдум за името треба да има

Така сметаат повеќе од половината испитаници на онлајн анкетата што ја спроведе минатата седмица www.forum.com.mk
Притисокот врз Република Македонија за постигнување конечен договор за нејзиното уставно име во 18-годишниот спор со Република Грција, очигледно не остава рамнодушен ниеден македонски граѓанин. Така покажуваат и резултатите од анкетата што ја спроведовме околу ова прашање, сакајќи да им овозможиме на нашите читатели да се изјаснат за тоа дали тие самите би сакале да решат, на референдум, за уставното име на нивната држава. Поточно, од вкупно 7.900 само 170 или 2,15 отсто од посетителите на нашиот портал одговориле со „Не знам“ на прашањето „Дали треба да има референдум за името на Република Македонија?“. Дури 4.440 читатели или 56,20 отсто одговорија потврдно на поставеното прашање, а 41.65 отсто односно 3.290 читатели сметаате дека не треба да се спроведе референдум на кој граѓаните ќе се изјаснуваат дали ќе се промени името на Република Македонија.Прашањето за распишување плебисцитарно изјаснување на македонските граѓани стана едно од поекспонираните во третирањето на темата дека Скопје и Атина ќе мора наскоро да постигнат договор за името. Што подразбира Република Македонија да се согласи со предлогот да го смени своето име, доколку сака непречено да напредува во нејзините евроатлантски интеграции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Церемонија на свечено менување на државното знаме пред претседателската вила во присуство на основци од Скопје

Ученици од скопските основни училишта „Ѓорѓија Пулевски“, од општина Аеродром, „Св. Климент Охридски“ и „Кирил Пејчиновиќ“ од општина Кисела Вода, денеска го посетија Кабинетот на претседателката Гордана Сиљановска-Давкова.
Придружени од своите наставници, учениците ја проследија свечената церемонија на менување на државното знаме. Оваа церемонија се одржува секој втор петок во месецот и се реализира од Баталјонот за почести при македонската армија како израз на почит кон македонското знаме, како државен симбол.
По завршувањето на свечениот чин, младите посетители ги разгледаа просториите на Кабинетот и разговараа со претседателката за нејзините работни обврски, но и за личниот живот, почнувајќи од детството, школските и студентски денови, како и професорската кариера.
Во разговорот со учениците, претседателката ги охрабри да учат и да веруваат во себе, да го почитуваат знаењето, оти тоа ќе ги направи компетитивни, сигурни и успешни.
Македонија
Авионска дезинсекција против ларви од комарци во Скопје

Согласно добиено известување од Град Скопје- Сектор за комунални работи, Регионалниот центар за управување со кризи -Скопје информира дека на ден 11.05.2025 година (Недела) во раните утрински часови ќе се изврши Авионска дезинсекција против ларви од комарци.
Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во ист термин, велат надлежните.
Се известуваат пчеларите навремено да ги превземат потребните мерки за заштита на пчелите.
Македонија
Бискупот Стојанов упати честитки до папата Лав XIV: Вашата служба да донесе обнова и зацврстување на верата

Скопскиот бискуп и Струмичко-скопски епарх, Киро Стојанов упати писмо со честитки до новиот папа Лав XIV.
„Со голема радост и синовска љубов ја примив веста за Вашиот избор за Петров наследник и Пастир на Универзалната Црква. Од името на верниот Божји народ на Католичката Црква во Македонија, свештенството и монаштвото, како и од мое лично име, Ви го честитам изборот и воедно благодарам што ја прифативте оваа одговорна и света служба, свесни за сите предизвици со кои се соочува Христовата Црква.
Сигурен сум дека со мудроста што Ви е дарувана преку Вашето мисионерско искуство, пасторалната грижа и верноста кон Евангелието, водени од Светиот Дух ќе управувате со коработ Петров – Црквата, низ немирното море, за доброто на целиот Божји народ.
Од Македонија, портата од каде што Свети Павле го пренесе христијанството низ цела Европа, од просторите од каде што потекнуваат светите браќа Кирил и Методиј и од родниот град на света Мајка Тереза, Ви ја ветувам мојата лична молитва, како и молитвите на целиот Божји народ во Македонија, со желби Вашата служба да донесе обнова и зацврстување на верата, единство меѓу христијаните и мир во целиот свет“, напиша бискупот Стојанов.