Македонија
Кучан: Името, јазикот и идентитетот се суверено право на секој народ

Името, јазикот и идентитетот се суверено право на секој народ, што никој не смее да го оспорува, изјави поранешниот словенечки претседател Милан Кучан по денешната средба со претседателот Ѓорге Иванов
Поранешниот претседател рече дека предавањето на збирката размислувале да го поврзат со денот кога Македонија ќе добие датум за преговори со ЕУ.„За жал, на наше големо изненадување, до тоа не дојде. Уште од самиот почеток, Словенија се залагаше да се признае правото на самоопределување, на национален идентитет, јазик, име, култура и право на сопствена држава“, додаде Милан Кучан за кого Европа може да има иднина само доколку ги признава различностите на идентитетите и културите. Во спротивно, идејата за обединета Европа ќе ја нема, нагласи поранешниот словенечки претседател кој ја водеше неговата држава во времето на распадот на СФРЈ.Сепак, Кучан смета дека во претстојниот период Македонија има причини за оптимизам, што го даваат позитивниот извештај на Европската комисија за напредокот на државата, укинувањето на визите, непосредните контакти меѓу Скопје и Атина и шестмесечниот рок во кој би требало да дојде до решение, кое, според него, ќе претставува компромис.„Уште пооптимистички е одлуката на Македонија поинтензивно да работи на реформите, а тоа да не го прави заради ЕУ, туку заради себе и своите граѓани. Ако реформите бидат успешни, ќе биде уште поапсурдно ако не дојде до почеток на преговори“, рече Кучан во понеделник навечер во резиденцијалната вила на Водно. На средбата, Кучан на македонскиот претседател Иванов му додели колекција од европски графики „Iconotheca Valvasoriana“, поточно факсимил од колекцијата графики од Јанез Вајкард Валвазор (1641-1693). Збирката е составена од 17 тома во големи формати и содржи 7.752 научно-критички обработени факсимили од графики и цртежи од врвни европски научници и уметници од 15, 16 и 17 век.„Се радуваме затоа што сме една од ретките земји на која Словенија и го подарува ова свое национално богатство“, се заблагодари македонскиот претседател.Иванов искажа благодарност за словенечката поддршка на Македонија во евроинтегративните процеси и за забрзувањето на визната либерализација, која на предлог на Љубљана ќе почне на 19 декември, наместо на 1 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Неформалната коалиција СДСМ-ДУИ излегува со лаги и манипулации небаре граѓаните имаат кратко памтење

Претседателот на ВМРО-ДПМНЕ, Христијан Мицкоски на денешниот народен митинг во општина Дебарца, во рамки на изборната кампањата со слоган „Вистинскиот избор! Со твојот човек! За твоето место! За твојата иднина!“, порача дека од тоа што се гледа на терен е јасно дека работат ќе биде завршена уште во прв круг и Златко Сиљаноски ќе биде новиот градоначалник.
Мицкоски исто така повика што е можно помасовно излегување на гласање на овие локални избори, задутре на 19 октомври и да го заокружат бројот 9.
Мицкоски повтори дека ова кампања понуди имаа две групи кои се издвојуваат, едната е групата којашто е неформална коалиција помеѓу СДСМ, ДУИ и Левица која на овие избори излегува, исклучиво, со црна кампања од прв ден се до денес.
„Кампања на лаги, на клевети, кампања во која се обидуваат повторно да ги навредат граѓаните, нивната интелигенција и играат на картата на кратко помнење, небаре сите ние сме заборавиле дека до пред само година и половина влада во Македонија беше коалицијата СДСМ и ДУИ. Небаре граѓаните не разбираат за сето тоа коешто тие го работеа тие и како да заборавија на сите нивни скандали кои тогаш ни се случуваа“, рече Мицкоски, додавајќи дека со тоа само ја промашија кампањата и политичките пораки, слушнавме се само не какви проекти нудат.
Овие од ДУИ, додаде Мицкоски, покажаа дека можеби сум им идол, па половина од кампањата немаше митинг Али Ахмети да не излезе и да не го спомне моето име.
Во однос на Левица, Мицкоски посочи дека тие малку беа збунети, бидејќи сега бараат нов стопан, а претходно им беше Зоран Заев.
„Бидејќи нивната карактерна особина им е таква, или на социјалните медиуми каде што се присутни да лажат, да креираат материјали, да вадат од контекст, мислејќи дека на тој начин ќе добијат некаква симпатија. Или пак сега да одработуваат, во случајот за Али Ахмети и ДУИ“, додаде Мицкоски објаснувајќи дека Левица одлучила да не кандидираат кандидати за градоначалници во родниот град на претседателот на партијата, Велес и Штип, но извадија во Тетово, Гостивар и Струга.
„И нивните кандидати за градоначалници, па и самото раководство на партијата, нема да го слушнете да каже ниту еден лош збор, да речеме за Рамиз Мерко. Тој е добар. Нема ниту еден статус, ниту еден лош збор нема да слушнете за на пример, кандидатот на ДУИ и Алијанса на Албанците во Струга. Нема лош збор, тој е идеален. Или пак за актуелниот градоначалник во Гостивар, којшто е наследник на Арбен Таравари и поддржан од Али Ахмети“, посочи Мицкоски.
Македонија
Сиљаноски: Заокружи 9 за нова, модерна и просперитетна Дебарца

Златко Сиљаноски, кандидат за градоначалник за општина „Дебарца“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и рече дека на општина Дебарца и претстои многу работа и истакна дел од проектите на изборната програма.
„Ни претстои многу работа, но ние од работа не се плашиме, ќе почнеме од почеток, коцка по коцка да го местиме мозаикот наречен модерна Дебарца. Со нашата програма ќе почнеме да ја реализираме промената во Дебарца. Ќе почнеме од семејствата, ќе има 50 илјади денари еднократна парична помош за млади брачни парови до 30 години, 10 илјади денари еднократна парична помош за секое запишани прваче, 100 илјади денари еднократна парична помош за трето дете, 100 илјади денари помош и ослободување од комуналии за изградба на семејна куќа за жители на општина Дебарца“, посочи Сиљаноски и додаде:
„Воведуваме бесплатен превоз за викендите за нашите студенти, пензионери, ранливи категории, недела ќе биде ден за прошетка во Охрид или за гости за кај во Дебарца, воведуваме директна инвестиција за нашите млади преку целосно субвенционирање на трошоците за возачки испит за сите матуранти, ќе дадеме директна поддршка на локалните бизниси, секој постоечки и нов маркет ќе добива 12 илјади денари месечно да им помогнеме да растат и да опстанат, со поддршката на Владата започнуваме комплетна реконструкција на спортското игралиште во село Мешеишта, целосно ќе реконструираме неколку улици значајни за селото, ќе реконструираме објект наменет за селска продавница, комплетна реконструкција на домот. Во Волино ќе ги реконструираме мостовите на двата влеза од селото, ќе го реконструираме игралиштето за голем фудбал, ќе го уредиме речното корито низ селото, ќе реконструираме неколку значајни улици. Во Требеништа ќе ги асфалтираме патиштата до црквата Св.Варвара и Св.Петка, со нов пат ќе ги поврзиме Мислешево-Волино“.
На крај Сиљаноски ги повика граѓаните да излезат и да го заокружат бројот 9, за нова, модерна, и просперитетна Дебарца.
„Следуваат убави денови за Дебарца и за секој еден граѓанин во општина Дебарца. Затоа ве повикувам на 19 октомври сите заедно, обединети да го изразиме нашето незадоволство, да излеземе и масовно да гласаме за бројот 9 за градоначалник и за победничка советничка листа со мнозинство во Советот на општината и заедно да почнеме да ја градиме новата, модерна, просперитетна Дебарца, како убав дом за сите граѓани во општина Дебарца“, дециден е Сиљаноски.
Македонија
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење

Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со која се изрекува времена забрана за најавениот штрајк, што требаше да се одржи в понеделник. Од синдикатот најавуваат дека ќе ја обжалат одлуката пред Апелациониот суд и ќе поднесат претставка до Републичкиот судски совет против судијката што го водела предметот.
Претседателот на Синдикатот, Александар Тасевски, изјави дека штрајкот ќе биде ставен во мирување, но дека синдикатот нема да се откаже од своите барања, кои се дел од Спогодбата потпишана по завршената постапка за помирување во 2023 година.
Од Синдикатот тврдат дека не биле известени за тужбеното барање и не добиле можност за одбрана, обвинувајќи дека судската одлука е донесена спротивно на закон, без закажано рочиште и без утврден рок на важност. Тие сметаат дека решението се темели на неточни податоци и дека барањето на М-НАВ било погрешно третирано како временa мерка.
Дополнително, синдикатот укажува дека од 18 нововработени во М-НАВ под актуелното раководство, реална потреба имало само за петмина, додека вработените во контролата на летање работат во, како што велат, катастрофални услови – без тоалети, вода и ефикасен систем за греење и ладење во контролната кула.