Македонија
Љубе Трпески не ги примал известувањата дека треба да се јави во затвор

Поранешниот гувернер на НБМ цела година не се јaвувал на петте упатни акта за издржување на затворската казна, вели портпаролот на скопскиот Основен суд 1
Според истражниот судија од Одделот за органзииран криминал и корупција при Основниот суд Скопје, Владимир Тифегџиќ, од страна на судот биле направени пет обиди на Љубе Трпески да му биде врачен упат и тоа од 20-ти нoември 2008 до 24 ноември 2009 г. при што доставниците со известијата не можеле да му бидат врачени затоа што станот во кој живее е постојано затворен. Поканите останале неврачливи, а на оставените известија Трпески не се јавувал, информира Туфегџиќ. „Од погоренаведените прицини Упатниот акт согласно законот е огласен на Огласна Табла на судот, а на ден 24.11.2009 година согласно законот е издадена Наредба до Министерството за внатрешни работи – Одделот за потраги заради пронаоѓање и спроведување на лицето за издржување на казна затвор во КПУ Затвор Идризово. Наредбата издадена од страна на судот е реализирана“, стои во писменото соопштение од Основен суд Скопје 1. Во врска со кривината постапка која се води против Љубе Трпевски пред Основниот суд Скопје 1 Скопје, пак, од судот велат дека кривичната постапка е правосилно завршена, а по правосилноста е покрената постапка за извршување на правосилната пресуда со која Трпевски се упатува на издржување казна затвор во Затвор Идризово во траење од 4,5 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Алијанса за Албанците: ВМРО-ДПМНЕ се обидува да ја оцрни фигурата на Таравари преку клевети и игри со зборови

Алијансата за Албанците оценува дека ВМРО-ДПМНЕ, заедно со „експериментот ВЛЕН“, се обидува да ја оцрни фигурата на претседателот, д-р Арбен Таравари, преку клевети и игри со зборови, се наведува во реакцијата на Алијанса за Албанците на обвинувањата од ВМРО-ДПМНЕ.
„ВМРО-ДПМНЕ и нивните сателити, доколку имаат некакво сомневање или тврдење, нека го докажат. Во спротивно, тоа останува само ниска пропаганда за одвлекување на вниманието од вистината: д-р Арбен Таравари им ги урна мрачните планови против Албанците. Ова можат многу лесно да го направат, бидејќи сите државни институции ги имаат под контрола и имаат целосен пристап до секој официјален документ. Ги повикуваме да се разбудат – тие не се опозиција, тие се власт и држава. Алијансата за Албанците ги повикува, користејќи ги сите надлежности и институции што ги раководат, да презентираат барем една единствена врска помеѓу инвеститорот од Албанија и д-р Арбен Таравари. Или можеби, за нив секој инвеститор од Република Албанија е сомнителен?“, се наведува во реакцијара.
Македонија
Вилијам Михајловски, осуден на 14 години затвор, ќе ја води Комисијата за безбедност и правда на Единствена Македонија

Централниот комитет на Единствена Македонија на дводневната седница во Охрид меѓудругото донесе и неколку кадровски одлуки од своја надлежност.
„Беше избран нов Извршен комитет, а воедно за генерален секретар беше избран Милан Јовчески, а за член на Извршниот комитет беше избран уставобранителот Вилијам Михајловски – Гајда во моментот неоправдано осуден на 14 години затвор за Македонија. Вилијам Михајловски како член на Извршниот комитет ќе ја води и Комисијата на Единствена Македонија за внатрешна безбедност, одбрана, правда и политички затвореници“, соопштија од партијата.
Централниот комитет утврди 29 кандидатски листи за локалните избори, а уште шест се во постапка за утврдување на следната седница на Централниот комитет.
Од партијата соопштија дека е донесена и одлука за кандидат за градоначалник на Град Скопје.
Македонија
Османи формира тим во Чаир со задача да донесе милион евра од европските фондови

Кандидатот за градоначалник на Чаир, Бујар Османи, денес го најави формирањето на специјална Task Force единица посветена на IPA фондовите, со јасна цел – европските средства да дојдат директно во оваа општина.
„Три години бев државен координатор за IPA фондовите. Знам како функционираат овие програми, каде се можностите и кои се луѓето во Брисел што одлучуваат за нив,“ истакна Османи.
Тој додаде дека од денес Чаир има тим со еден единствен мандат: да донесе милиони евра од европските програми директно во општината.
„Ова значи подобри улици, посилни училишта и побогата заедница. Чаир заслужува да биде директно поврзан со Европската Унија и ние тоа ќе го направиме реалност,“ истакна Османи.
Со оваа иницијатива, додаде тој, Чаир стапува на патот на европска интеграција на локално ниво, користејќи ги можностите што ги носат фондовите на ЕУ.