Македонија
Групата македонски граѓани пристигна во Париз без визи

Симболично со денешното патување во Париз на 150-те македонски граѓани, студенти и новинари се отворија вратите на ЕУ
Тие придружувани од вицепремиерот Васко Наумовски и министерката за внатрешни работи Гордана Јанкуловска без ограничувања само со биометриски пасоши зачекорија во европската шенген зона.„Ова е историска придобивка која значи слобода на движење, достоинство за граѓаните и можност за непречена размена на искуства и знаења, рече министерката за внатрешни работи Јанкулоска. Taa нагласи дека ова е прв, но голем чекор за евроинтеграциите бидејќи Македонија и македонските граѓани неминовно и припаѓаат на ЕУ. Вицепремиерот Наумовски, пак, посочи дека паѓањето на визната бариера е историски успех на Република Македонија и македонските граѓани што се должи на конкретните резултати постигнати во изминатиот период пред се во областа на внатрешните работи.„Ние сме убедени дека со ова македонските граѓани се чекор поблиску до Европа, чекор поблиску до остварување на нашата конечна цел – полноправното членство во ЕУ. Македонските граѓани веќе од денес ќе може директно да се уверат во тоа како изгледа ЕУ, како таа функционира, кои се европските стандарди кон кои се стреми Владата на Република Македонија и кој е начинот на живот кој што ние ќе го воведеме и во нашата татковина“, рече Наумовски.Групата македонски граѓани изутрината од скопскиот аеродром со шампањ и француски кроасани ги испрати в.д. амбасадорот на Франција во Македонија Изебел Гинел. За време на неколкучасовната обиколка на Париз први ќе можат да ги почуствуваат придобивките од патувањето без визи и еврпскиот дух преку пулсот на француската престолнина која со своето пошироко опкружување брои 12 милиони жители. Покрај Ајфоловата кула лоцирана во комплексот Трокадеро која е најпосетувана туристичка атракција, тие ќе можат да ја видат катедралата Нотрдам односно Богородичната црква која се смета за најубав пример на француската готска архитектура, како и Триумфалната капија изградена од Наполеон Бонапарта. Составен дел на обиколката по Париз е и дворецот Лувр во кој е сместен најголемиот музеј во светот. Париз важи за град со најразвиена економија и највисок бруто домашен производ. Учествува со една четвртина во вкупниот буџет на Франција. Во него се сместени и работат 37 од 500-те најголеми компании во светот, седиште е на многу интернационални организации. Годишно го посетуваат на 45 милиони туристи поради што се смета за еден од најпосетуваните градови во светот, а важи и за еден од најромантичните. За групата македонски туристи во Амбасадата на Македонија во Франција ќе биде организиран коктел на кој ќе се обратат вицепремиерот Наумовски и претставник на француската држава со што се заокружува нивната еднодневна посета на Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Милевски: Виница 4 години назадува, катастрофално владеење на Петков и ВМРО-ДПМНЕ

Така наречениот отчет на градоначалникот Миле Петков и ДПМНЕ е најдобар доказ за четири години катастрофално и досега невидено лошо владеење на една локална власт во Виница, изјави кандидатот на СДСМ за градоначалник на Виница, Гоце Милевски.
Наместо вистински отчет, додаде тој, видовме обид за замачкување на очите на јавноста и бегање од одговорност за неисполнетите ветувања.
„Затоа таканаречениот отчет беше во скап хотел а не на улиците, во градот и селата во Виница. Затоа што реалноста е разочарувачка. Ниту еден од капиталните проекти од програмата на Петков и ДПМНЕ за Виница не се реализирани“, рече Милевски.
Според Милевски, Петков се фалел со наследени проекти од претходната власт на СДСМ и неколку асфалтирани улици.
„Но фактите говорат: сегашната власт нема реализирано ниту 20 километри улици, наспроти 45 километри изградени во времето на СДСМ. Виница денес изгледа како мала депонија од не собереното ѓубре и смет, собирен центар за кучиња скитници, со небезбедни кратери од вода и хаос од неправилно паркираните возила, со запуштени зелени површини и ниту едно ново засадено дрво. Тоа сликата за Виница после 4 години неспособна локална власт на ВМРО-ДПМНЕ. Да не дозволиме оваа казна да продолжи уште четири години! Локалните избори се шанса за промени во Виница“, рече Милевски.
Македонија
Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари

По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени претреси на повеќе локации на подрачјето на општина Липково, Куманово и Желино.
Се работи за сложена предистрага, која опфаќа повеќе правни и физички лица, а целта е целосно разоткривање на криминална група, која дејстувала подолг временски период и имала цел вршење на кривичните дела злосторничко здружување, даночно затајување, даночна измама и перење пари и други приноси од казниво дело, со намера организаторите и припадниците на групата да стекнат противправна имотна корист во висина од над четиристотини триесет милиони денари, со што е предизвикана огромна штета на буџетот на Република Македонија.
По налог на јавен обвинител од Основно јавно обвинителство за гонење организиран криминал и корупција, во акцијата со асистенција на САЕ „Тигар“ од слобода се лишени седум лица и тие се изведени пред судија на претходна постапка при Основниот кривичен суд, а едно лице не е достапно на органите на прогонот.
Македонија
Утре сончево време, со температура до 34 степени

Времето утре ќе биде сончево со мала до умерена облачност. Попладне во источните делови ќе има услови за локален краткотраен дожд. Ќе дува слаб до умерен ветер претежно од јужен правец, информира УХМР.
Минималната температура ќе биде во интервал од 9 до 18, а максималната ќе достигне од 27 до 34 степени.
Во Скопје сончево со мала до умерена облачност. Ќе дува слаб до умерен ветер од југозападен правец. Минималната температура ќе се спушти до 14, а максималната ќе достигне до 32 степена.
До петок времето ќе се задржи претежно сончево и топло со постепен пораст на дневните температури. Ќе дува слаб до умерен ветер од јужен правец.
За време на викендот времето ќе биде променливо облачно и нестабилно со локален пороен дожд и грмежи. В сабота ќе дува умерен до засилен југозападен, а в недела ветерот ќе го смени правецот во северен.