Македонија
Исплатата на социјалните права ќе заврши пред Божик

Министерството за труд и социјална политика ја цени и почитува улогата која што невладиниот сектор ја има во процесот на подобрување на општествените процеси и градењето на активен систем на социјална политика, се вели во реакцијата на денешните обвинувања искажани од НВО Хоризонт
„Сепак, во интерес на вистината да истакнеме дека тврдењата на НВО Хоризонт не кореспондираат со вистината. Имено, Министерството за труд и социјална политика не е во банкрот. Министерството за труд и социјална политика, настојува навремено и во целост да ја врши исплатата на сите права од социјална заштита. Во минатиот период успеавме да ги исплатиме средствата наменети за корисниците на правата од социјална заштита, но за жал, се соочивме со технички проблем во исплатата на правото на нега и помош од друго лице.“, се вели во писмената реакција. Од Министерството велат дека и ова право ќе биде исплатено најдоцна до 5-ти јануари, односно пред Божикните празници. Исто така, од ресорот се укажува и дека исплатата на правото на помош и нега од друго лице ќе биде ретроактивна, односно граѓаните нема да претрпат никаква штета и ќе ги добијат средствата согласно со законските прописи. Истовремено, укажуваме дека приоритет на Министерството за труд и социјална политика, и натаму останува навремена и целосна исплата на правата од социјалната заштита. МТСП апелира до невладиниот сектор при третирањето на вакви теми во иднина да се водат од општествената одговорност и да не манипулираат со чувствата на граѓаните во интерес на продолжување на конструктивна соработка.Во недела околу пладне пред Минситерството за труд и социјални политики протестираа претставници од НВО „Хоризонт Македонија“ кои јавно искажаа сомневање дека исплатата на парите доцни затоа што Министерството е во банкрот. „Претпоставуваме дека нема пари во министерството. Да имаше досега ќе ги исплатеа. Јас мислам дека се работи за лошо менаџирање со министерството“ изјави „ Од „Хоризонт Македонија“ се сомневаат дека исплатата на парите доцни затоа што министерството е банкрот. „Претпоставуваме дека нема пари во министерството. Да имаше досега ќе ги исплатеа. Јас мислам дека се работи за лошо менаџирање со министерството“ изјави Ивица Младенов.Младенов информираше дека министерството на 50-ина луѓе им доделила еднократна помош од 15 до 30 илјади денари, но не ја знаат причината поради која тие луѓе биле селектирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски-Спајиќ: во фокусот посветеноста на европската интеграција на Западен Балкан

Во пресрет на утрешниот Самит ЕУ – Западен Балкан, денеска министерот за надворешни работи и надворешна трговија, Тимчо Муцунски, оствари средба со премиерот на Црна Гора, Милојко Спајиќ.
Двајцата се дел од овогодинешната група добитници на признанието „Млад глобален лидер“ (YGL) на Светскиот економски форум – мрежа која веќе две децении обединува исклучителни личности под 40 години кои предводат позитивни промени ширум светот.
Програмата за млади глобални лидери е симбол на колективна акција и визија, поттикнувајќи нови форми на лидерство во ера на глобални трансформации. Тоа што двајца политичари од Западен Балкан се дел од оваа заедница е потврда за промените што оваа генерација ги носи во регионот, информираат од МНР.
На средбата се разговараше за зајакнување на билатералната и регионалната соработка, како и за потврдување на заедничката посветеност на европската интеграција на Западен Балкан – како дел од визијата за обединета, просперитетна и силна Европа.
Македонија
МВР: Од 1 јули летен режим на сообраќај за тешки товарни возила

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, соопшти МВР.
Забраната се однесува за следните термини:
петок од 17:00 – 22:00 часот
сабота од 09:00 до 19:00 часот
недела од 09:00 до 22:00 часот
Во деновите со екстремно високи температури, определени од Министерство зa здравство, забраната ќе важи и од понеделник до четврток во период од 11:00 до 17:00 часот.
Специјален сообраќаен летен режим за тешки товарни возила се воведува и на патниот правец А2 Скопје – Охрид – Скопје во периодот од 01.07.2025 до 01.09.2025, и тоа:
Од понеделник до четврток од 11:00 до 17:00 часот, само во денови со екстремно високи температури определени од Министерството за здравство:
петок од 17:00 – 22:00 часот
сабота од 07:00 до 12:00 часот и од 18:00 часот до 24:00 часот и
недела од 07:00 до 22:00 часот
– Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
Македонија
Пренасочување на возилата поради сообраќајка на патот Демир Хисар – Кичево

Од 19:10 часoт има пренасочување на сообраќајот на патниот правец Р1305 Демир Хисар – Кичево поради случена сообраќајна незгода, возилата ќе бидат пренасочени преку с.Единаковци, соопшти АМСМ.
Сообраќајот на државните патишта се одвива непречено, по суви коловози.
Според последното известување од АМСМ, интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.