Македонија
Eлектронски систем за јавни набавки

Меѓу 20 и 40 милиони евра годишно државата ќе заштеди како резултат на имплементацијата на новиот интегриран електронски систем за јавни набавки што беше промовиран денеска во Скопје
Проектот е идеја на Бирото за јавни набавки и Министерството за финансии, а финансиската подршка ја обезбеди американската агенција за меѓународен развој УСАИД. Софтверот за новиот електронски систем го изработи компанијата Сивус(Seavus).Приватните претпријатија и учесниците во јавните набавки отсега ќе можат на транспарентен и фер начин да учествуваат во истите со што ќе се исклучи влијанието на човечкиот фактор, рече министерот за финансии, Зоран Ставревски кој присуствуваше на промоцијата на новиот систем.”Станува збор за важна алатка и силен инструмент кој ќе помогне во борбата со корупцијата и бирократијата .Ова ќе ги охрабри и малите и средни претпријатија истотака рамноправно да учествуваат во делот на јавните набавки кои се важен инструмент за градење на здрава пазарна економија “, рече Ставрески и посочи дека Македонија е прва во регионот што го интегрира овој систем.Ова е дел е од проектот за создавање на е-Влада, чија цел е да се воспостави систем којшто целосно е во согласност со директивите на ЕУ и ги подржува сите форми на јавни набавки вклучувајќи ги и електронски аукции.Преку овие аукции Владата ќе може да побарува најниска цена за добрата и услугите што ги набавува, а за тоа добар пример е и минатата година кога преку нив се заштедени 1,7 милиони долари.Според министерот за финансии целта на Владата за 2010 година е преку овие аукции да се реализираат 30 отсто од јавните набавки.
На промоцијата на системот, учество зеде и амбасадорот на САД во Македонија, Филип Рикер кој истакна дека е горд на промоцијата на системот кој е дел од проектот на УСАИД за воведување на Е-Влада.”Ова е еден од најнапредните системи за електронски набавки во светот. Ниту Владата на САД, ниту земјите од ЕУ не успееја целосно да го автоматизираат овој процес на национално ниво. Системот што се имплементира во Македонија е веќе признат на многу конференции, а соседните земји веќе пројавуваат интерес да ја следат Македонија”, истакна амбасадорот Рикер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
По врнежите од дожд и силните ветрови кои зафатија делови од државата, нема пријавени штети, соопшти ЦУК

По врнежите од дожд и силните ветрови кои зафатија делови од државата, до овој момент до Центарот за управување со кризи не се пријавени материјални штети или повредени лица, информираат од таму.
„Директорот на ЦУК, Мухамед Али, заедно со вработените од Оперативниот сектор и Дежурната служба, внимателно ја следи состојбата на терен.
Центарот за управување со кризи останува во постојана готовност и продолжува со координирани активности за обезбедување брза и ефективна институционална реакција при евентуални потреби“.
Македонија
Зголемена фреквенција на возила надвор од градските средини

Поради изведба на проектот „Изградба на патна делница Градско – клучка Дреново“, дел од Коридор 10д, ќе има временa изменa на режимот на сообраќај на Експресниот пат А1, делница Градско – Дреново. Измените ќе важат од 04.08.2025 до 16.09.2025 година, при што сообраќајот ќе биде пренасочуван и регулиран со поставена соодветна сообраќајна сигнализација, соопшти АМСМ.
Според информацијата, во целост е отворен за сообраќај државниот пат А1 Градско – Прилеп од раскрницата кај бензинската станица Лукоил до клучката кај бензиската станица Салида.
Сообраќајот на државните патишта се одвива непречено, по претежно влажни коловози.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, но на граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Таравари од човек со став, стана потрчко на Ахмети, велат од ВМРО-ДПМНЕ

ДУИ и нивните сателити реагираа. А и како не би врескале, кога Таравари конечно го положи испитот на максимална послушност, велат од ВМРО-ДПМНЕ.
„Од АА на Таравари сега слушаме апсурдна логика: ако ВМРО-ДПМНЕ ги критикува, значи се на вистинскиот пат. Не, не сте!
Вие сте на патот на ДУИ. А тоа значи: пат на корупција, клиентелизам и лични договори зад грбот на народот. Кога ДУИ ќе ви аплаудира, кога нивните портали ќе ве бранат, кога поранешни противници ќе ве фалат, знаете дека сте направиле нешто многу погрешно“.
Во соопштението од владејачката партија велат дека Арбен Таравари не е нападнат затоа што некој се плаши од него. Напротив, додаваат од ВМРО-ДПМНЕ, жално е да се гледа како еден лекар, некогаш со кредибилитет, сега мора да се правда преку соопштенија на ДУИ и да се радува кога тие го „тапкаат“ по рамото.
Од ВМРО-ДПМНЕ оценуваат дека партијата е „нападната затоа што е пречка за криминалот на ДУИ и нивните нови соработници.
И тоа е вистинската причина за нервозата. А Таравари, колку и да се труди, нема да може да ја избрише вистината: од човек со став, стана човек со валкани домашни задачи. Да потпишува партиски соопштенија напишани во Мала Речица.
Дали е на „вистинскиот пат“, најдобро покажуваат анкетите. Од 2,7% поддршка, падна на 1%, а според некои и под 1%. Ако тоа значи да си на вистинскиот пат, да станеш потрчко на Ахмети, и да ти се сруши рејтингот тројно, тогаш навистина „добар пат“ има фатено.
На добар пат е Таравари да ја доживее целосната НДП-изација и ДПА-изација на својата структура. Да се сведе на 3–4 илјади клиентелисти што ќе чекаат Ахмети да им додели некоја функција или тендерче, со некоја идна влада на СДС, ако некогаш таква се случи. Таков е нивниот „пат“, таква им е стратегијата – и тоа е нивно право“.
Наше право и обврска како ВМРО-ДПМНЕ, велат од партијата на Мицкоски, е да внимаваме во иднина, во која било идна коалиција, никогаш да нема Таравари или некој сличен по „интегритет“.
Му порачуваат на Таравари да си ги обнови релациите со Филипче и со Заев и нека остане, како што велат, во друштво во кое најдобро се пронаоѓа.
„Ахмети ќе му најде место. А народот, ќе си пресуди. Како што знае“.