Министерството за здравство назначи национален координатор кој ќе може превентивно да ги затвори сите породилишта кои за кои ќе биде проценето дека не ги исполнуваат високите услови за квалитет на здравствена заштита

Ова денеска го соопшти министерот за здравство Бујар Османи по смртните случаи на родилките во Прилеп, Тетово и Гостивар.„Донесов одлука да се покрене акција за итни вонредни и неопходни мерки во смисла на засилена контрола за здравствена заштита на породилиштата, строго почитување на протоколите за работа и унапредување на условите во нив“, изјави Османи.За национален координатор ќе биде назначена Гордана Адамова од Клиниката за гинекологија од Скопје.Во овој стручен надзор ќе биде вклучена и Лекарската комора.Министерот официјално уште денес ќе им испрати писмо и очекува до понеделник тие да достават список на експерти кои ќе бидат вклучени во комисиите за стручен надзор.

За не повеќе од еден месец овие комисии треба да направат детално скенирање за положбата не само во породилиштата туку и во сите јавни здравствени установи. За 10 дена Комисиите треба да излезат со предлог мерки за унапредување на условите.

Директорот на Клиниката за гинекологија во Скопје, Сашо Јовчески тврди дека на клиниката нема зголемен број на породувања но има зголемен број на амбулантски прегледи.

Во последните 24 часа биле извршени осум пораѓања од кои две родилки биле од Прилеп.Повеќето биле амбулантски прегледи, а шест од пациентките биле од Гостивар.Со оглед на состојбите на клиниките во внатрешноста тој тврди дека клиниката за гинекологија е подготвена да излезе во пресрет за зголемениот број на случаи.Јовчевски одбегна да ја коментира актуелната состојба на Клиниката за гинекологија во Скопје.