Македонија
Бесими ќе потпише Протокол за пристапување на Молдавија во ЕЕЗ
Министерот за економија Фатмир Бесими денеска во Виена, во функција на актуелен претседавач со Енергетската заедница ќе потпише Протоколот за пристапување на Република Молдавија во Енергетската заедница со молдавскиот вицепремиер и министерот за економија Валериу Лазар
На потпишувањето, како што најави Министерството за економија, ќе присуствува и заменик генералниот директор за енергетика во Европската комисија Фабрицио Барбасо.Со проширувањето на Енергетската заедница по пристапувањето на Молдавија и со нејзиното добивање на рамноправна положба во однос на останатите земји – потписнички на Договорот за основање на Енергетската заедница, се очекува уште повеќе да зајакне регионалната димензија на Енергетската заедница, во насока на создавање на регионален пазар на енергија и заедничка соработка на земјите од регионот. „Во овој контекст очекувам и останатите земји – набљудувачи на Енергетската заедница да го следат примерот на Молдавија и да ги забрзаат преговорите за полноправно членство, со што ќе ја формализираат нивната апликација за членство“, вели министерот за економија Фатмир Бесими. Пристапувањето на Молдавија беше одобрено од Министерскиот совет на Енергетската Заедница во декември 2009, но предмет на потпишување на Протоколот за пристапување беше усвојувањето на Законот за гас, во согласност со релевантните правила на ЕУ. Денешното потпишување следи по донесувањето на новиот закон за гас на Молдавија и неговото објавување на 12 февруари. Молдавија сега треба да ја следи нејзината уставна процедура да го ратификува Договорот за формирање на Енергетската Заедница со цел да стане нејзина членка. „Енергетската заедница е еден од успешните примери за регионална соработка која се темели на заедничка цел, а тоа е влез на енергетските пазари во единствениот пазар на енергија на Европската унија. Во годината што претстои, Република Македонија како земја – претседавач ги прифати приоритетите на Енергетската заедница, меѓу кои и преземање на интензивни активности и заедничка соработка на регионалните иницијативи, како и создавање на услови за зголемување на интересот на инвеститорите и степенот на политичка доверба од значење за регионот и пошироко, а пристапувањето на Молдавија во енергетското семејство е уште еден успешен пример за тоа“, смета Бесими.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.