Македонија
Анкета: Србија најдобар сосед на Македонија?

Дури 67,5 отсто од граѓаните го поддржуваат Законот за заштита од пушење, а за најдобар сосед на Македонија ја сметаат Србија, покажува телефонската анкета на Институтот „Димитрија Чуповски“
Големиот процент поддржувачи на Законот за заштита од пушењето, за целосна забрана за пушење во јавни простории што стапи на сила на 1 јануари, 33, 4 отсто не го поддржуваат, а 6,1 немаат мислење. И мерките за промена на старосната граница за увоз на поливни автомобили и намалување на акцизите наишле на поддршка кај граѓаните. Дека овие мерки се добри се изјасниле дури 67,5 отсто од испитаниците, додека 15,3 отсто се против. За најдобар сосед на Македонија, испитаниците ја сметаат Србија, 36,4 отсто, а најмала поддршка добила Грција со 1,5 отсто. За Албанија се определиле 18, 3 отсто, за Бугарија 5,9 отсто, а за Косово 2,8 осто. Но, забележителен и бројот на испитаници кои немаат мислење по ова прашање, дури 35,1 отсто. Најголем процент од испитаниците немаат верба во ниедна институција, но армијата и црквата, џамијата ја заработија довербата на тие што се определиле и тоа по 10,9 отсто за двете инситуции. Владата е одма зад нив, затоа што 10,5 отсто од испитаниците рекле дека и веруваат. На најниско ниво се Собранието, Претседателот и судството. Доколку граѓаните решат да стапат во брак со човек што не е од Македонија, тие најмногу би се одлучиле за Србин, а најмалку за Босанец, додека за европјани се одлучиле само 5, 9 од испитаниците.Институтот Димитрија Чуповски ја изработил анкетата телефонски на репрезентативен примерок од 1.162 лица во периодот од 17-21 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Паркинг ќе се плаќа без пораки, јавен превоз без картички, музеј и жичарница без редици, Ѓорѓиевски претстави нова паметна картичка за Скопје

Актуелниот градоначалник на Кисела Вода и кандидат за градоначалник на Скопје, Орце Ѓорѓиевски, презентираше нова картичка со која сите услуги што ги нуди градот ќе бидат достапни на едно место. Проектот „Скопје сити гоу- паметна картична“ е наменет пред се на младите со цел Скопје да стане вистински модерен европски град што ќе нуди едноставни, практични и паметни решенија за сите граѓани.
„Ова е еден од проектите со кој особено се гордеам, Скопје сити гоу – паметна картичка со која сите услуги што ги нуди Градот ќе бидат достапни на едно место. Наместо десетици различни карти, апликации и плаќања, секој граѓанин ќе има една унифицирана и дигитална алатка. Јавен превоз – едноставен пристап без редици, готовина и посебни картички. За младите ова значи повеќе мобилност и слобода. Паркинг без пораки, автомати и губење време. Брзо и практично решение преку самата картичка. Културни и забавни содржини – музеите, кината, театрите, жичарата и зоолошката градина ќе бидат достапни преку едно средство“, најави Ѓорѓиевски.
Картичката „Скопје сити гоу“ Ѓорѓиевски вели дека ќе биде симбол и на социјална еднаквост.
„Средношколците, семејствата со ниски примања, пензионерите, невработените и лицата со попреченост ќе ја добијат бесплатно. За нив, услугите ќе бидат бесплатни или со драстично намалени цени. Никој нема да биде изоставен“, вели градонаалникот Ѓорѓиевски.
Картичката тој очекува да има вредност и надвор од јавниот сектор, одноно општествено одговорни компании ќе овозможат преку неа дополнителни услуги и поволности.
Предвидено е „Скопје сити гоу“ да биде достапна и како мобилна апликација, но и како физичка картичка за оние кои ја преферираат класичната форма, а секој, без разлика на возраста и технолошките навики, ќе може лесно да ја користи.
„Ова е визија за поинакво Скопје, град кој им штеди време и пари на своите жители, кој се грижи за младите и за ранливите категории, и кој ја користи технологијата за да им служи на луѓето. Со ’Скопје сити гоу’ започнуваме ново поглавје – модерно, дигитално и европско Скопје“, рече Ѓорѓиевски.
Македонија
Побаран притвор за четири лица во врска со пожарот во Трубарево

Скопското Обвинителство поведе постапка против четири лица поради сомнение за загрозување на животната средина и природата со отпад, во врска со пожарот што избувна во Трубарево, а за кои од судија на претходна постапка вечерва ќе побара определување мерка краткотраен 48-часовен притвор за обезбедување докази.
Станува збор за 56-годишен управител и сопственик на две фирми, 22-годишна управителка на трето правно лице, 42-годишен раководител на подружница и 59-годишен вработен во правно лице. Воедно се испитува потенцијалната одговорност и на други лица.
Во текот на денот јавниот обвинител издаде повеќе наредби за прибирање докази, по кои сè уште постапуваат надлежните органи. Се очекуваат и резултатите од мерењата на загадувањето што ги спроведува Министерството за животна средина.
Македонија
Се користи специјална пена врз песокта за да се доизгасне чадењето во Трубарево

Од опожарениот простор во Трубарево моментално има слабо чадење само од неколку места кои веќе се затрупани, информира директорот на Дирекцијата за заштита и спасување, Стојанче Ангелов.
Како што истакна, врз песочната покривка се фрла специјална пена со цел целосно сопирање на чадењето и спречување на повторна појава на пожар.