Одлуката на Советот на Сојузот на синдикати на Македонија (ССМ) со која е сменет претседателот Ванчо Муратовски и на негово место е назначен Живко Митревски, потврдена е од Министерството за труд и социјална политика,пренесува Макфакс

Ова беше изнесено на а пресконференцијата одржана во сабота во седиштето на ССМ, на која покрај Митревски, присуствуваа и лидерите на повеќе гранкови синдикати.Нагласувајќи дека со одлуката за смена на раководството била задоволена желбата на над 80 отсто од членството на Синдикатот, Митревски го повика Муратовски на цивилизиран начин и во демократска атмосфера да ја предаде функцијата.„Најпосле е исполнета желбата на многу македонски работници кои членуваат во ССМ и потврден е легитимитетот на постапката за отповикување на поранешниот претседател и за именување на нов В.Д. претседател“, рече Митревски.Констатирајќи дека застанува на чело на ССМ во време кога оваа институција ја тресе сериозна криза, Митревски најави сериозни и темелни реформи.„Наша цел е да изградиме ново, модерно, современо европско синдикално движење со нови стратегии и платформи“, изјави МитревскиТој најави дека меѓу првите чекори што ќе ги преземе новото претседателство на ССМ е отворањето на социјален дијалог, потпишување на колективни договори, интензивирање на соработката со останатите социјални партнери и зголемени активности за прием во Европската конфедерација на синдикати.Досегашниот лидер на ССМ, Муратовски кој деновиве ја постапката за негова смена ја оцени како нелегитимна, за утре најави пресконференција на која ќе го искаже својот став околу најновите збиднувања во Синдикатот.