Не станува збор за паднат авион или беспилотно летало, туку за експлозија во погонот „Челичарница“ во Железара, пренесува Радио слободна Европа

Радиото ја цитира изјавата на Томче Божиновски, инспектор од Дирекција за заштита и спасување, во врска со силната експлозијата што изутрината околу 8 часот ги вознемири жителите на Скопје.Во експлозијата тешко е поведен еден работник, кој е пренесен во Градската болница. Според Благоја Менковски, командир на Противпожарната бригата, чии екипи беа на теренот во кругот на фабриката, експлозијата се случила при сечење на старо железо, кое е расфрлано на локации и надвор од кругот на фабриката. Божиновски вели дека најверојатно меѓу старото железо имало предмет со експолизвно полнење кое при сечењето било активирано, што ги потврди претходните информации на Форум.Според извори од Министерсвтото за внатрешни работи, од таму не планираат наскоро да излезат со соопштение или прес-конференција. И од Министерството за одбрана нема ниту демант, ниту потврда на шпекулациите дека станува збор за експлозивнотело или ракета, ниту сабајлешните сомневања дека во реонот на скопска  Железарница се урнало беспилотно летало. Агенцијата за цивилно воздухопловство официјално потврди дека не биле регистрирани прелети над Скопје на какво и да е летало утрово околу осум часот.Истата потврда ја даде и Армијата на Република Македонија. Како што стои во реакцијата на портпаролот на Генерал штабот, Мирче Ѓорговски, АРМ не реализирала никакви летови, ниту е регистрирано воено летало во воздушниот простор над Македонија. Реакцијата на Ѓорговски следува по информациите што утрово се појавија во јавноста за уривање на беспилотно летало во Скопје, случај што подоцна беше поврзан експлозија во скопската Железарница.