Македонија
Експлозија во Железарница го вознемири Скопје

Според последните официјални информации, неисправен вентил од боца со ацетилен која се користи за заварување, е причина за експлозијата и летечкиот објект кој утрово ги вознемири скопјани кои
Од експлозијата еден работник е тешко беше повреден. Триесет и три-годишниот Димо Пигуловиќ, кој со тешки изгореници беше префрлен во Градската болница се наоѓа во критична состојба. Санирани се изгорениците на неговото тело, но докторите стравуваат од можни компликации во следните 24 часа, карактеристични за овој вид изгореници, рече директорот на Градска, др. Виктор Ќамиловски . Како што информираат од Градска болница, работникот во моментот се наоѓа на Одделот за интензивна нега и е свесен и контактабилен. Инаку утринава нешто пред осум часот, граѓани очевидци се дека над скопската населба Скопје Север забележале летечки објект проследен со силен звук кој според нивните согледувања се урнало кај клучката во населбата Бутел. Според описот на очевидците, сомневањата беа насочени кон мал авион или беспилотно летало, што беше неофицијално демантирано од Агенцијата за цивилно воздухопловство и министерствата за внатрешни работи и за одбрана, од каде извори соопштија дека тие во тој момент не употребувале беспилотни летала. Но, за разлика од Генералштабот на АРМ и АЦВ , кои демантираа каква и да е активност на летала во дадениот период над Скопје, од министерството за внатрешни работи не излегоа со изјава за што станува збор. Според, МВР, тоа ќе го сторат откако крим-техника која од утрово била излезена на терен ќе го заврши својот дел од работата. На репортерите на теренот, работник од Железарница кој сакаше да остане анонимен рекол дека дошло до експлзоија на ацетиленска боца која летнала во височина до 300 метри. До вакви експлозии, како што велат многу работници кои работата секојдневно со оваа апратура, може да дојде но потешко, но сепак се случуваат, доколку сигурносните вентили се дотраени или неправилно користење на самите боци или обид за нивно пробивање. Од Макстил пак официјално одговорија дека била запазена процедурата за заштита при работа, при што компанијата нагласуваат дека при настанувањето на несреќата биле почитувани се сите процедури од Законот за заштита при работа, работникот ја имал соодветната заштитна опрема и постапувал според процедурата за работа. „Од досега утврдената состојба со жалење констатираме дека АД Макстил и уште еднаш ги чуствува последиците на несоодветното работење на дел од добавувачите на старо железо.“, стои во соопштението на компанијата во кое сепак не се анведува што е причината за експлозијата.Ова, како и измерената траекторија од речиси два километра од местото на кое наводно се случила експлозијата до местото на кое се урнала, ги подгреваат соменвањата за каков предмет се работи, односно дека станува збор за експлзовна направа, најверојатно гранат, која најверојатно се нашла во отпадот на некој од добавуачите. „Ако направата полетала два до три километри во висина, сигурно имала експлозивно полнење“, изјави Нове Георгиевски, заменик-генерален директор на Рудници и Железарница, за Макфакс.Според Георгиевски, секое возило со старо железо што влегува во Железарница се контролира на влезот и излезот, но дека има случаи кога влегува и по некоја експлозивна направа. И претхопдно неофицијално се шпекулираше и дека станува збор за експлозивна направа, најверојатно граната или ракета, за која не се знае како се нашла во кругот на фабриката. Соговорници чија стручност е балистиката на проектили велат дека боца тешко би можела да прелета толакво растојание искачувајќи се до тристотини метри во височини и да има кривулеста патека на пад како што ја забележале многу граѓани. Покрај тоа, истите извори велат дека е многу тешко ацетиленска боца да создаде толку остар звук што во времето на најголемиот сообраќаен метеж во Скопје, ќе се слушне на повеќе до десет километри оддалеченост. Исто така, постојат и верзии дека сепак станува збор за беспилотно летоло, како и дека можеби станува збор за направа која имала експлзовно полнење, како што изјави Томче Божиновски, инспектор од Дирекција дека најверојатно меѓу старото железо имало предмет со експолизвно полнење кое при сечењето било активирано, што ги потврди претходните информации на Форум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Метеж на Табановце и Богородица, се чека околу 40 минути

Сообраќајот на државните патишта се одвива по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез и ГП Богородица за излез од државата се бележи зголемена фреквенција на возила, времето на чекање е околу 30-40 минути. На останатите гранични премини од македонска страна, нема подолги задржувања за влез и излез од државата, извести АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Гази Баба и Студеничани денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска:
· поради промена на шибер ф 100 мм на улицата Карл Либкнехт бр.84, прекинато водоснабдување ќе имаат корисниците од улицата Карл Либкнехт, Анри Барбис, Темко Попов и дел од Карл Хрон од 09:00 часот до завршување, Гази Баба;
· поради санација на усисна цевка во ПС Моране (викенд населба), можно е да има мал прекин на водоснабдување во село Моране, во периодот од 08:00 па се до завршување на работите, општина Студеничани.
Македонија
Без струја делови од Гази Баба и Кисела Вода

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· во периодот од 06.30 до 12.00 часот, дел од улицата Перо Наков фирмите, Јогомеркур, Осоговски, Макохемија, Стокомак, објектите до Стокомак на улицата Перо Наков, Златно Жито и Потрошувачите на улицата Маџари, општина Гази Баба;
· во периодот од 08.00 до 11.00 часот, дел од населбата Припор, по главната улица Христо Татарчев, општина Кисела Вода.