Македонија
Постапка за имотот на пратеникот и градоначалникот Бајрам
Антикирупциската комисија денеска поведе постапка за преиспитување на имотната состојба на пратеникот Амди Бајрам
Од Државната комисија за спречувањето на корупцијата велат дека покрај преиспитувањето на имотната состојба на пратеникто Амди Бајрам, ќе биде преииспитувана и имотната состојба на неговиот син Елвис Бајрам, актуелен градоначланик на скопската општона Шуто Оризари.Како што ни беше појаснето, постапката се презема заради сомневање во разликата на податоците наведени во анкетните листови на таткото и синот Бајрам, и фактичката состојба.Претседателот на Антикорупциска комисија, Илми Селами и додаде дека антикорупциска веќе има доставено барање до Управа за јавни приходи да се испита имотот на овие функционери. На денешната работна средба на Државната комисија за спречување на корупција со претставниците на институциите потписнички на Протоколот за превенција и репресија на корупција и судир на интереси беше заклучено дека бесправно стекнатиот имот на функционерите е голема слабост на институциите. Директорот на Царинска управа Ванчо Каргов нагласи дека веднаш треба да се одзема имотот кој што е стекнат нелегално. Во врска со нелегално стекнатиот имот, Селами смета дека Управата за јавни приходи треба да стори повеќе во зајакнување на капацитетите во тој оддел на испитување на имотната состојба се со цел тие постапки да завршат брзо и епилогот за нив да биде што побрз. „ Апсолутно секој именуван функционер и службено лице кој што во имотниот лист не доставил детална информација за имотот што го поседува, ние по автоматизам ќе покренеме испитување на имотот и имотната состојба. Ние за некои случаи проверуваме дополнително, од Катастар и МВР. Ако дојдеме до информација дека поседува имот, а не го ставил во анкетниот лист тогаш покренуваме испитување на имотна состојба и епилогот е 70 отсто данок на нелегално стекнатиот имот, конфискација и плус кривична пријава за функционерот“, посочи Селами.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.