Македонија
Средба Милошоски – Карл Билд

„Билд како и многу политичари посакува напредок во македонско-грчкиот спор за името. Кај скандинавските земји се забележува капацитетот да се направи дистинкција меѓу важните билатерални прашања или спорови, и важноста и релевантноста на пошироката слика“, смета Милошоски
„Билд е еден од оние Европејци кои силно веруваат во процесот на проширувње на ЕУ како алатка за стабилност, мир, економски напредок и мислам дека како таков политичар и беше еден од поборниците за време на шведското претседателство Македонија да го добие заслужениот датум за почеток на пристапните преговори“, изјавил министерот Антонио Милошоски по денешната средба со шефот на шведската дипломатија Карл Билд, пренесе МИА.. Притоа Милошоски истакнал дека квалитетот на реформите во Македонија е задржан и изрази уверување дека за време на шпанското претседателство Шведска е на страната на оние држави кои постојано ќе го препорачуваат отворањето на пристапниот процес за Република Македонија.„Она што ЕУ ветила дека ќе го направи врз основа на исполнети критериуми треба да го стори кога земјата кандидат е подготвена да почне пристапни преговори за членство и во тој контекс се надеваме дека Македонија за време на шпанското претседателство ќе може повторно позиитивно да го претстави својот случај иако нема да бидеме изненадени доколку грчката позиција остане ригидна по ова билатерално прашање, истакна Милошоски.Коментирајќи какви се шансите за напредок во спорот со Грција шефот на македонскатаа дипломатија рекол дека шансите се толкави колку што постои капацитет за отвореност во двете држави.„Според мене, Грција ги намалува шансите со целата затворена позиција која што се нарекува црвена линија“, смета Милошоски и додаде дека со друг пристап кој би ги задоволил двете страни до одредени мерки реално е да се очекува и приближување напред.Во врска со евентуалното влијание на моменталната ситуација во Грција врз билатералниот спор Милошоски рече дека се уште постои дилема дали случувањата ќе бидат предност или шасна да се направи пробив или ќе бидат дополнителен хендикеп.„Она што нас не загрижува е реалната економска состојба во Грција којашто може, доколку оваа криза потрае повеќе од две-три години, негативно да се одрази на економската слика во регинот“, рекол Милошоски додавајќи дека Грција е наш важен трговски партнер и има активна грчка бизнис заедница која инвестира во Македонија.Шефот на македонската дипломатија утре во Стокхолм ќе учествува на конференцијата „ЕУ интеграцијата на Балканот“ на која е предвидено да говори за напредокот на Македонија во процесот на интегрирање во ЕУ, како и за претстојното претседателство на Македонија со Советот на Европа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: СДС и Шукова ниту имаат план ниту знаат како да го подобрат животот на скопјани

Шукова говори за тоа што му недостига на Скопје и тоа би било во ред доколку само пред една година таа не беше токму министер за животна средина и просторно планирање, истакнуваат од ВМРО-ДПМНЕ.
„Таа како министер имаше можност и простор да направи план за намалување на аерозагадувањето, за зелени површини, за еколошки јавен превоз, но сепак таа одлучи да му слугува на Ковачевски, а во реалноста на Заев.
СДС и Шукова ниту имаат план ниту знаат како да го подобрат животот на скопјани. Тоа е видливо затоа што единствен ‘успех’ на СДС во Скопје за подобрување на животната средина е зелената површина на Шилегов на плоштадот“.
Времето на Шукова, додаваат од партијата на власт, заврши уште пред да почне. На граѓаните, според нив, им е преку глава од лажни ветувања, кои знаат дека нема да се реализираат.
„Орце Ѓорѓиевски и ВМРО-ДПМНЕ постепено ќе ги градат темелите на промените во Скопје“, нагласуваат од партијата на Мицкоски.
Македонија
За еден месец, 80 лица се сретнаа со министерот за здравство, Алиу, преку „Отворен кабинет”

Во изминатиот месец 80 граѓани преку алатката „Отворен кабинет“ се сретнаа со министерот за здравство, Азир Алиу.
Барањата, предлозите и сугестиите на граѓаните се предмет на системско постапување во рамките на Министерството за здравство, односно тие се анализираат и проследуваат за натамошно постапување, велат од Министерството.
„До овој момент одговорено и постапено е по 29 отсто од барањата, за некои потребни се системски унапредувања, кои веќе се иницирани, а за преостанатиот дел формирани се комисии за поефикасно постапување“, се наведува во соопштението.
За потсетување, министерот Алиу во текот на утрешниот ден е на терен во Штип во рамките на иницијативата „Мобилен кабинет“, каде што од 12 до 14 часот ќе има средба со граѓани во просториите на Клиничката болница – Штип и сите заинтересирани граѓани ќе имаат можност директно да ги споделат своите искуства, проблеми или предлози поврзани со здравствениот систем.
За учество на овие средби потребна е претходна пријава преку платформата „Отворен кабинет“, која е достапна преку интернет-страницата на Министерство за здравство: https://zdravstvo.gov.mk/
Македонија
Шукова: Идејата за железница покрај кејот на Вардар е исклучително погрешна

Идејата за железница покрај кејот на Вардар е исклучително погрешна, смета Каја Шукова од СДСМ, која е кандидат за градоначалник на Скопје. Според неа, тоа е последното нешто што му треба на Скопје.
Како што вели Шукова, кејот на Вардар е едно од ретките места што им преостануваат на граѓаните за мир и рекреација од хаосот на секојдневието во градот.
„Да се уништи тој простор со шини и бучава би било културен и еколошки вандализам. Граѓаните на Скопје заслужуваат уреден кеј со велосипедски и трим-патеки, урбана опрема, зеленило и чист воздух. Тоа е визијата што ќе ја бранам, кејот како градска оаза за спортување, пешачење, семејни прошетки и живот. Што му треба на Скопје? Сериозен, ефикасен и еколошки јавен транспорт. Наместо да се фрлаат нереални идеи, кои звучат добро на хартија, а се катастрофа во реалноста, ќе предложиме нов, модерен систем на јавен превоз, кој ќе биде брз, достапен, чист и одржлив. Ќе го дигнеме јавниот превоз од пепелта во која ВМРО-ДПМНЕ го остави да тоне четири години. Моја заложба како кандидатка за градоначалничка е јасна – Скопје ќе биде град за луѓето. Град на велосипедисти, мајки со деца, спортисти, рекреативци, ученици, пензионери“, објави Шукова на „Фејсбук“.