Македонија
Градоначалникот на Карпош ин флагранти

Градоначалникот на скопската Општина Карпош, иако е спротивно на законот, си го паркира автомобилот на улица и пред контејнери
Како што информира скопјанката Моника Петреска, како доказа за своето тврдење презентирајќи ни ја фотографијата, службеното „ауди“ на Стевче Јакимовски како стои паркирано на самата улица, делумно блокирајќи ја истата. Во исто време „аудито“ е паркирано веднаш до контејнери, што е казниво законски. Како што вели Петреска, Јакимовски би требало да да си плати казна, слично како што си плати градоначалникот на Општина Аеродром кога беше „уловен“ дека паркирал на пешачки премин. „За жал, вака паркирани автомобили на улиците низ Карпош се честа појава затоа што граѓаните имаат мака од недостатокот на паркинзи. Во овој случај се работи за улицата веднаш до Општината Карпош, во Карпош 3, каде како што гледаме градоначалникот дава баш “убав“ пример за граѓаните, најверојатно поради тоа што на паркингот на општината сега никнува бензиска пумпа, но и заради тоа што други паркинзи во близина и нема кујзне колку.“, вели Петреска.Таа додава дека, за жал, бензиската пумпа што ќе ги труе граѓаните и за која имаше и протести за запирање на нејзиното градење, најверојатно добила приоритет пред проблемите со паркинзите и покрај тоа што друга бензиска од истиот правец на „Партизанска“ има на само еден километар, а слободно паркинг место е голема реткост и често радост за граѓаните. „Епа Градоначалнику, сега снаоѓајте се! Ама како што гледаме Вие добро сте се снашле, ама како да се снајдеме ние граѓаните?“, вели жителката на оопштината со која раководи Стевче Јакимовски. Функционерите се избрани да ги штитат и промовираат доброто однесување и начелата на законите. Но, наместо тоа, на многупати токму тие се оние кои ги кршат правилата и законите, заклучув резигнирано Петреска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ го оцени како ефикасно справувањето со пожарите во Македонија, во споредба со земјите од регионот

ВМРО-ДПМНЕ оценува дека институциите под водство на оваа Влада успешно реагираат на пожарите кои ги зафатија повеќе подрачја во Македонија, посочувајќи дека нашата држава покажува ефикасно справување.
Вчера во Македонија беа регистрирани 20 пожари на отворен простор, од кои десет се активни, пет се ставени под контрола, а пет се целосно изгаснати. За разлика од останатите држави во регионот, заклучува партијата, кај нас нема евакуирани и раселени лица, ниту човечки жртви, а причинетата штета е ограничена само на шумски површини.
„Ова не е резултат на среќа, туку на брза, организирана и професионална интервенција на сите надлежни служби“ се наведува во соопштението на партијата.
Во Турција, над 3.500 граѓани се евакуирани, а загинаа 17 лица, од кои дури 13 пожарникари. Огнот зафати и градски области, предизвикувајќи уништување на куќи и инфраструктура.
Во Албанија, каде што активни се 45 пожари, евакуирани се над 2.000 луѓе, изгореа над 20 куќи, а целосно се испразнети села. Огнените стихии во Грција зафатија станбени квартови и предизвикаа огромни штети, додека илјадници граѓани беа евакуирани. Апокалиптични сцени има и во Бугарија, каде што се регистрирани над 240 активни пожари и е причинета значителна материјална штета.
Македонија
Променливо облачно време повремено со пороен дожд и грмежи

Времето денес ќе биде променливо облачно и посвежо, претпладне со повремено пороен локален дожд, грмежи и услови за појава на краткотрајно невреме. Ќе дува слаб до умерен западен, а долж Повардарието северен ветер, кој попладне наместа ќе засилува. Максималната температура ќе биде во интервал од 27 до 35 степени.
Во Скопје, променливо облачно, во претпладневните часови со повремен пороен дожд и услови за појава на ретки грмежи. Ќе дува слаб до умерен, попладне во делови од котлината повремено засилен северен ветер.
Максималната температура ќе достигне до 33 степени.
Македонија
Комисијата утврди дискриминација врз професионалните војници – синдикатот бара итни законски измени

Комисијата за спречување и заштита од дискриминација утврди индиректна дискриминација врз професионалните војници од страна на Министерството за одбрана, информира Независниот синдикат на професионални војници СО Скопје.
Претставката до Комисијата ја поднел Александар Насковски, претседател на синдикатот и професионален војник, на 12 ноември 2024 година. Според него, Министерството со години не го трансформира работниот однос на професионалните војници од определено на неопределено време, спротивно на член 46 од Законот за работни односи.
„Професионалните војници се единствената категорија вработени во државата кои работат и по 25 години со договори на определено време, често продолжувани и по седум или осум пати, без можност да остварат право на пензија“, изјави Насковски.
По долготрајна институционална игнорација, синдикатот на 3 јуни 2025 година достави предлог-закон за изменување и дополнување на Законот за служба во Армијата до Собранието и сите пратенички групи. Со предложените измени се предвидува конечно уредување на статусот на професионалните војници и спроведување на препораките од Комисијата.
Синдикатот очекува Министерството за одбрана и пратениците да постапат по препораките и да ја исправат, како што велат, децениската неправда, со што ќе се постигне и буџетска заштеда за институцијата.