Албанското јавното обвинителство за подрачјето на Корча ја отфрли кривичната пријава за злоупотреба на службената положба против градоначалникот на Пустец, Едмонд Темелко

Кривичната пријава против градоначалникот на Пустец, кој е претежно населен со македонско население, е поднесена од страна на албанското министерство за внатрешни работи за злоупотреба на службената положба.Според пријавата, градоначалникот на општина Пустец, Едмонд Темелко, пред два месеца беше обвинет за наводно незаконски доделена помош од општина Пустец во висина од 400 денари на десет македонски сиромашни семејства.Темелко тогаш ги отфрли обвинувањата како монтирани, тврдејќи дека минималните суми биле легитимно доделени, а пријавата ја сметаше за притисок од страна на албанската полиција поради тоа што Македонската партија во Албанија не се откажа од одржувањето на курсевите по македонски јазик во областа Голо Брдо.Со одлуката на Јавното обвинителство стопирана е целата постапката со образложение дека по проверката сите наводи во пријавата биле неосновани. „Јавното обвинителство од Корча постапи правилно и го констатира тоа што ние и тогаш го тврдевме, дека се работи за притисок за откажување од легитимното право на Македонците во Голо Брдо за изучување на нивниот мајчин македонски јазик. Ќе ја продолжиме нашата активност за македонските човекови и граѓански права и слободи и се надеваме дека тоа ќе го оствариме во Албанија. Албанија е и наша држава, а  Македонците се нејзини лојални државјани“, изјави Едмонд Темелко.