Борбата против трговијата со дрога е темата на дводневната конференцијата што почнува денеска во Охрид во организација на Бирото за јавна безбедност при МВР, со поддршка од Женевскиот центар за Демократска контрола на вооружените сили (DCAF)

На конференција покрај претставници на МВР ќе учествуваат и експерти од повеќе западноевропски полиции, од американската ДЕА, претставници од земји во регионот, како и експерти од интернационални организациии како СЕКИ Центарот и Интерпол.Експертите ќе говорат за теми од областа на борбата против трговијата со дрога, почнувајќи од граничните контроли, реализацијата на националните стратешки програми, засилувањето на разузнавањето во поглед на трговијата со дрога, зголемување на потенцијалите и капацитетите на законските инстанци, технички и тактички можности, подобрување на меѓународната соработка, развој на превентивните мерки за намалување на употребата на опојните дроги.На утрешниот прв ден ќе бидат презентирани темите околу политиката на проширување на ЕУ од аспект на соработката во борбата против трговијата со дрога, како и активностите и значението на организациите како Интерпол и СЕКИ Центарот во борбата против овој вид криминал.На конференцијата тематски ќе се разгледаат и меѓународните стандарди на контролата на дрогите и нивната компатибилност, законската регулатива  и кривичната политика, како и борбата против трговијата со дрога по однос на граничната контрола и повеќеслојните пристапи.За утрешниот ден, пак, на пленарна тематска сесија експертите ќе разговараат околу криминалистичко-криминолошкото истражување и превенцијата од употребата на дроги во контекст на ширење на овој вид на криминал.