Во инцидент во струшкиот ресторан „Матадор“ нападнати неколку полицајци и заменик началникот на СВР Охрид, јави дописникот на МИА

Инцидент во кои учествувале повеќе лица доцна синоќа се случил во струшкиот ресторан „Матадор“, кој се наоѓа во центарот на градот, при што се нападнати неколку полицајци и заменик началникот на СВР Охрид, Илир Жаку.Сведоци на немилиот настан биле и претседателот на Нова Демократија, Имер Селмани, пратеничката Флора Кадриу и градоначалникот на Струга, Рамиз Мерко кои во тоа време се наоѓале во ресторанот, но и повеќе членови на двете партии, ДУИ и Нова Демократија. Од МВР го потврдија инцидентот и рекоа дека по пријава од граѓани за нарушување на јавниот ред и мир со истрели од огнено оружје, полициски службеници од струшката полиција пристигнале на лице место по што биле напднати од страна на 33 годишниот Илир Бектеши кој подоцна бил приведен во полиција и лишен од слобода.На местото на настанот подоцна дошол и заменик началникот на СВР Охрид Жаку кој од страна на три лица бил вербално и физички нападнат по што се здобил со лесни телесни повреди и веднаш е префрлен на болничко лекување. Mеѓу напаѓчите, како што информира порптаролот на СВР Охрид, Стефан Димовски, е и едно лице вработено во Секторот за обезбедување во МВР во Скопје. Во полициската станица во Струга на информативен разговор биле повикани повеќе лица кои биле присутни на лице место. Од МВР информираат дека се работи на расчистување на случајот и утврдување на причините поради кои настанал.Од Нова Демократија денеска не сакаа да коментираат ништо околу инцидентот, додека градоначалникот на Струга е на службено патување во Албанија.