Изјавите кои доаѓаат од Брисел се во духот дека треба да се реши прашањето за да може да се започнат преговорите, но тие очигледно се информирани дека Грција и овој пат ќе не блокира, изјави денеска премиерот Никола Груевски

Премиерот Груевски кој денеска присуствуваше на  официјалното ребрендирање на спортската сала „Борис Трајковски“ во спортски центар, рече дека на Владата и е јасно дека преговорите се спречени од страна на Грција и дека од нив зависи дали ќе отпочнат.„Повеќепати кажав дека ни е сосема јасно дека почетокот на преговорите е запрен од страна на Грција и од нив зависи дали ќе ги започнеме или не, така што и овие изјави се во тој дух дека треба да се реши прашањето за името за да може да ги започнеме преговорите. Очигледно тие се информирани дека Грција ќе направи нова блокада и овојпат“, изјави премиерот Груевски. „Ние остануваме фокусирани на ова прашање. Остануваме со голема желба и со голем ентузијазам посветени на барање на решение кое што би било прифатливо за сите граѓани и кое што нема да направи трајни последици за македонската нација, идентитет и држава“, изјави Груевски.Груевски додаде дека остварува чести комуникации со медијаторот Метју Нимиц, но изјави дека не може да предвиди какви се неговите следни чекори, бидејќи не ги најавувал.Денеска со ребрендирањето на салата „Борис Трајковски“ свечено беа пуштени во употреба новата куглана, пинг понг клуб, аеробик центар, фитнес центар, конгресен центар, како и други спортски објекти по модерни стандарди во рамки на спортскиот центар „Борис Трајковски“.Премиерот Груевски во своето обраќање на настанот рече дека Владата ќе остане целосно посветена на спортот и неговиот забрзан развој. „„Република Македонија добива бројни спортски објекти кои ќе останат да им користат на многу идни генерации и да говорат за едно време во кое спортот го доби заслуженото внимание и приоритет во македонското општество. Спортски објекти од кои ќе излезат многу нови таленти и многу млади и идни генерации кои ќе ги бранат боите на македонската црвено-жолта репрезентација“, рече Груевски,