Македонија
Кондарко – политички монтиран процес против Душко Илиевски
Поранешниот пратеник на СДСМ, сега адвокат, Борис Кондарко смета дека во случајот марихуана станува збор за монтиран случај со политичка заднина, додека полицијата останува на ставот дека според законот е казниво дури и кога станува збор за саморастечка канабис сатива
Истражниот судија на тројцата кривично гонети во случајот марихуана им одредена мерка притвор од 30 дена.Битолчаните Душко, Томе и Цане Илиевски беа приведени во четврток поради основано сомнение дека во околината на Битола одгледувале канабис сатива откаково на нивната нива се пронајдени 207 стебла канабис сатива, виски речии и до три метри. „Немаа како да ме затворат, еве, сега вама ме затвораат, за ианет на Груевски ја се уште имам срце и нема да се предадам“, изјавил осомничениот Душко Иливески пред да биде изведен пред истражниот судија, рпенесува ТВ Тера.Веднаш по него во Основниот суд во Битола, пристигнал и неговиот правен застапни, Борси Кондарко. „Одбараната смета дека се работи за класично местење зашто обвинетиот застана на страната на земјоделците и фармерите“, зиајвил за новинарите адвокатот Борис Кондарко.Според Кондарко ирелевантно било под притисок во јавноста да се докажува дали има дело или не, кога „добро им е познат Душко Дуле“, како што го нарече на сите нас и на граѓаните и на медиумите и на сите.„Сево ова е бесмислено и претставува искреиран случај со политичка заднина. Се надевам дека судот ќе застане на страната на правдата“, додал Кондарко.Одбраната на Илиевски дека растението канабис на земјоделското земјиште во сопственост на семејството Илиевски, поттикнува на прашањето како, од правен аспект може да се заштити лице на чиј имот само никнало стебло на канабис сатива.„Лекциите по право на министерката Јанкулоска не помагаат“, коментирал адвокатотлио Борис Кондарко.Според Кондарко, решението би било ваквите граѓани да си ги продадат имотите, затоа што „во ваква држава со вакво министерство за внатрешни работим посебно на лицата кои не се на линијата на власта се може да очекуваат да им се случи“. Душко Илиевски, кој е мелкопрозиводител оштетен од пропадната млекарница „Сведмилк“ и неговите брат и татко, вчера беа приведени поради сомнение дека сториле кривично дело и како што е нагласено од битолската полиција, за поднесената кривична пријава за „неовластено производство и пуштање во промет на наркотични дроги, психотропни супстанци и прекрузори“.„Пријавените во текот на 2010-таа неовластено произведувале наркотична дрога марихуана на начин што неовластено засадиле канабис сатива на градинарска парцела во местото викано Градско поле во околината на Битола на истата ја одгледувале, ја обработувале и ја наводнувале со помош на распрскувачки систем за наводнување“, изјави на прес-конференцијата Ѓоко Стрезовски, портпарол на СВР Битола.Според него, и во случаи кога се работи за саморастечка канабис сатива во нечија нива или двор, тоа е казниво. „Секој граѓанин е должен да пријави кршење на закон во блиската полициска станица“, објаснува Стрезовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Бутел, Чаир и Карпош
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1550 место викано Гериз во индустриска зона Визбегово, општина Бутел;
– во периодот од 09.00 до 14.00 часот, корисниците од ул. Стојна Стевкова, како и дел од корисниците од ул. 393 во населба Чаир, општина Чаир;
– во периодот од 09.00 до 15.30 часот, дел од корисниците од ул. Блаже Биринчето, општина Карпош.
Македонија
Сончево со умерена локална облачност: температурата до 14 степени
Сончево со мала до умерена локална облачност. По одделни котлини ќе има услови за појава на утринска магла. Ќе дува слаб до умерен ветер од западен и северозападен правец. Минималната температура ќе биде во интервал од -6 до -1, а максималната ќе достигне од 7 до 14 степени.
Во Скопје, во утринските часови во делови од котлината ќе има услови за појава на магла. Во текот на денот времето ќе биде сончево и тивко со мала облачност. Минималната температура ќе се спушти до -5, а максималната ќе достигне до 9 степени.
Времето во наредните денови
Во петок ќе се задржи стабилно и потопло време со услови за појава на утринска магла по котлините. Во деновите од викендот ќе има зголемена облачност и повремени локални врнежи од дожд, а на планините од снег. Дневната температура повторно ќе биде во опаѓање.
Македонија
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за инфективни болести. Пациентката имала повеќе коморбидитети и не била вакцинирана против грип.
Во моментов на Клиниката се хоспитализирани 25 пациенти со компликации од грип, oд кои повеќето се возрасни лица со хронични заболувања и невакцинирани од грип.
Директорката на Институтот за јавно здравје (ИЈЗ), Марија Андоновска, пред неколку дена кажа дека пикот се очекува да биде во втората половина од овој месец и првата половина од февруари.
„Со враќањето на децата во училиште очекуваме дека и бројот на лица коишто ќе бидат заболени од грип или заболувања слични на грип може да биде зголемен“, рече Андоновска.
Институтот за јавно здравје препорачува оние коишто не се заболени да избегнуваат колку што е можно некакви собири или да престојуваат во простории или трговски центри каде што има голем број на луѓе, да избегнуваат контакт со веќе заболени лица или оние што ќе пројават некакви симптоми на кивање и кашлање. Често да се мијат раце со обичен сапун и вода, да се проветруваат просториите, да се почитуваат здрави животни навики – редовна хидратација со течности односно вода, лесна храна, витамини, минерали.

