Учебникот „Општество“ всушност бил најдобро оценет од рецензентската комисија, избран е од пет ракописи на повеќе автори со одлична оцена од 95 отсто, и имал многу висока и позитивна оценка, рече министерот за образование Тодоров на средбата со новинарите ден по скандалот

Министерот за образование и наука, Никола Тодоров, по бурните реакции во јавноста откако излезе учебникот за петто одделение по предметот „Општество“, кој освен што изобилува со многу други грешки најмногу прав покрена со фактот што на 42-та страница во делот во кој се опишуваат значајни дејци од македонската култура, меѓу споемантите се и споменати Нора Шаќири, Ферус Мустафов и други естрадни личности.„Моја работа не е да ги читам учебниците, ниту моја работа е да се мешам и да одлучувам што да стои во било кој учебник. Тогаш би преминале во некој тоталитарен режим и заради тоа имаме цела процедура во која се изработуваат учебници кои проаѓаат низ повеќе филтри,“ изјави Министерот за спорниот учебник.За министерот Тодоров не е прифатливо министерството или министерот да  сносат одговорност за некоја работа која е обврска на рецензентот и според него рецензентите се оние кои стручно ја вреднуваат содржината на учебникот.„За мене ќе биде доволно доколку рецензентите ја признаат својата грешка и се извинат за непријатностите кои ги нанесоа и на министерството и на мене како Министер за образование и наука.Тој додаде дека по промените во учебникот овие имиња кои стоеја, нема да стојат во коригираната верзија.„Вчера имавме состанок на кој беа поканети четворицата автори на учебникот, беа поканети тројцата рецензенти кои го рецензирале овој учебник, беше присутен Претседателот на Националната комисија и Директорот на педагошката служба, и во секој случај ќе одиме со промена на страницата од учебникот и престанок со дистрибуција на учебниците,“ изјави Министерот Тодоров и додаде дека се размислува и дистрибуираните учебници да се повлечат повторно во печатница, и да биде конкретната страница да биде заменета.Министерот ќе има состанок и со Друштвото на писателите на кој треба да ги чуе и нивните забелешки за учебникот „Општество“.Меѓутоа штетата ќе биде многу посериозна доколку се утврди дека не е спорна само една страница од учебникот, и истиот треба цел да се корегира и препечатува.„Со промена на една страница од учебникот јас можам да се задоволам со извинување, меѓутоа станува збор за 15.400 примероци кои се веќе отпечатени. Ова ќе предизвика сериозен финансиски проблем,“ изјави Тодоров.Учебникот за петто одделение „Општество“ е дел од проектот за бесплатни учебници кој започна минатата година и истиот чинеше околу една милијарда денари кои беа искористени за печатење на околу 4 милиони учебници. Оваа година овие средства треба да бидат многу помали бидејќи генерациите ќе користат дел од учебниците кои биле  поделени минатата година.