Македонија
Честитка од премиерот Груевски за Денот на АРМ
Премиерот Никола Груевски испрати отворено писмо до Армијата на Република Македонија (АРМ) по повод Денот на Армијата во кое се наведува дека бројните генерации на старешини, генерали и војници, се заслужни што денеска земјата располага со одлично обучена, моќна и почитувана Армија.
„Пред 18 години, на 18-ти август 1992 година, со формалното промовирање на првите единици на Армијата на Република Македонија, потврдивме дека сонот може да стане реалност. Докажавме дека идеалот е остварлив и дека Република Македонија е независна држава со сопствена Армија која што ќе биде гарант на нејзината безбедност, суверенитет и територијален интегритет“, се вели во писмото на Премиерот.Тој посочува дека Армијата е заслужна што Македонија денес е препознатлива како извор на безбедност и стабилност, не само во рамките на своите граници, туку и во регионални и светски рамки, давајќи силна поддршка во изградбата на демократијата и хуманите човечки вредности на секое место од земјината топка. „За целиот овој период, повеќе генерации се вградија во историјата на Армијата. Некои од нив го положија и највредното што го имаа – својот живот, за својата татковина, за Република Македонија. Вечно нека се памти нивниот пример, за тоа како се сака и како се брани својата земја“, вели Груевски во писмото.Премиерот ја охрабрува македонската армија да продолжи по истиот пат, со истото темпо и со истите залагања и притоа како што вели во писмото да ги води професионализмот и гордоста што ја претставуваат Република Македонија и нејзиниот меѓународен углед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од две скопски населби без струја
Регионалниот центар за управување со кризи на Град Скопје, по добиеното известување од ЕВН, известува дека поради планирани зафати во електро дистрибутивната мрежа без напојување со електрична енергија ќе останат:
• од 09:00 до 12:00 часот Сеизмологија, Пржино, Институт за земјотресно инженерство, Француска амбасада и ул.Милан Мијалковиќ. (Општина Центар)
• од 08:00 до 15:30 часот Дел од улица Регионален пат R1102 Скопје – Катланово на потегот од бензинска Мак Петрол до исклучок кон с. Огњанци, улица 3, дел од улица 7 и дел од улица 2. (Општина Петровец)
Македонија
Поради водоводен приклучок: дел од Центар без вода за пиење
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, соопшти дека денеска- петок, поради изведување на водоводен приклучок од Ф-80мм на ул.Македонија ( спроти Спомен куќата на Мајка Тереза ) во населба Центар, прекинато водоснабдување ќе имаат корисниците на потегот од Димитрие Чуповски до Даме Груев и дел од Луј Пастер , од 08:30 часот до завршување.(општина Центар)
Македонија
Променливо облачно со повремени врнежи од дожд, кои наместа ќе бидат пообилни
Времето денеска ќе биде променливо облачно со повремени врнежи од дожд, кои наместа ќе бидат пообилни и поројни, проследени со појава на грмежи.
Ќе дува слаб до умерен ветер претежно од североисточен правец.
Минималната температура ќе биде во интервал од 10 до 15, а максималната ќе достигне од 18 до 25 степени.
Во Скопје, времето ќе биде променливо облачно со повремени врнежи од дожд, попладне пообилни проследени со грмежи. Минималната температура ќе се спушти до 15, а максималната ќе достигне до 22 степени.
Во сабота во западните делови ќе има услови за слаб локален дожд. Потоа во следните денови времето ќе биде сончево со мала до умерена облачност. Дневната температура ќе биде во постепен благ пораст.