Со утринската миса во Калкута во четврток низ светот почна прослава на сто-годишнината од раѓањето на Светицата на сиромашните, која несебично го посвети својот живот на грижата за најсиромашните и најбеспомошните во предградието на овој пренаселен град во источна Индија

Мисата ја предводел кардиналот Телесфор Плацудус Топо а била служена во седиштето на конгрегацијата на Мисионерките на љубовта која Мајка Тереза ја основа во 1950 г. и каде е закопана во 1997 г., пренесува AFP.Во текот на мисата на која присуствувале илјада луѓе, била прочитана и пораката на папата Бенедикт XVI, додека стотици верници останале надвор од црквата.„Верувам дека оваа година за црквата и за светот ќе бидат можноат за благодарнодт кон Бога за непроценливиот дар што Мајка Тереза го ширеше за времето на животот и кој продолжуваат да го шират нејзините духовни чеда“, се нагласува во Папската порака.По мисата, калуѓерките кои ја наследија Мајка Тереза, Сестра Нирмала и сегашната претседателка на конгрегацијата Сестра Према во знак на мирот и сочуството пуштиле кон небото бели гулабици.Во Калкута во четврток ќе почне и меѓународниот филмски фестивал на документарни и играни филмови за живото на Мајка Тереза.Таа е родена на 27 август 1910 г. како Агнеза Гонџа Бојаџиу во Скопје, а како католичка монахиња која потекнува од албано-влашко семејство стигнува во Индија во 1929 г. а индијска државјанка стана в 1951 г. Мајка Тереза во 1979 г. доби Нобелова награда за мир, а во октомври 2003 г. Папата Јован Павле Втори ја батифицираше .Денска одбележување на денот кога се родила Мајка Тереза ќе се одржи и во скопје во Спомен куќата на улица „Македонија“, а и Албанија и Косова најавија одбележување на 100-годишнината од нејзиното раѓање.