Независниот синдикат на одбраната најави тужба за Министерството за одбрана и ресорниот министер, Зоран Коњановски поради нееднаквиот третман на синдикатите и лошите услови за работа на вработените во министерството

Независниот синдикат денеска излезе со тврдење дека министерството на вработените кои сакале да членуваат во независниот синдикат престанало да им одбива членарина, а додека за членовите на Самостојниот синдикат на вработени во одбраната членарина се одбивала, како и до сега. За овој проблем имале средба со министерот, но сепак тој еднострано ја прекинал исплатата на членарината.„Министерот наместо да ја прифати искрената и чесна понуда на НСО за соработка и да се зафати со решавање на вистинските проблеми на вработените во МО и во АРМ, тој упорно се обидува да го одржи во живот ССВО“ вели портпаролот на НСО,  Драган Василевски.Членовите на Независниот синдикат денеска јавно ги презентираа своите барања. Подобрување на стандардот на вработените и условите за работа, зголемување на платите, итно опремување на припадниците на АРМ со соодветни обувки и униформи, навремена исплата на додатоци и други дневници,решавање на статусoт на професионалните војници, како и зголемување на примањата на учесниците во мисии надвор од Македонија.Тие го прашуваат министерот „Дали е точно дека на вработените кои службено одат надвор од Македонија, не им исплаќаат дневници и дали на персоналот кој ќе ве придружува при посетата на САД и Канада ќе и им се исплаќаат дневници и дали е точно дека претседателот на ССВО, Ристо Ајтов со години е наназад е ослободен од своите работни обврски и не доаѓа на работното место“.Како дел од нивните идни активности, тие најавуваат правна реакција за состојбите, што не исклучува и соодветна тужба за МО, како и постојано известување на домашни и надворешни релевантни фактори за состојбите и третманот на НСО од страна на министерот.