Македонија
Законот за прислушување не е во надлежност на МВР
Законот за електронски комуникации или попознат како закон за прислушување, за којшто во средата беше поведена постапка пред Уставниот суд, не е во надлежност на Министерството за внатрешни работи, рече министерката Гордана Јанкулоска
„Уставниот суд оценувал одредби од Законот за електронски комуникации, кој не е закон од надлежност на МВР, туку е закон предложен од министерството за транспорт и врски и сосема природно, МВР ниту има ингеренции, миту има компетенции да оценува закон предложен од друг ресор. Веруваме дека надлежното ресорно министерство ќе се изјасни кога ќе ја добие одлуката на Уставниот суд“ вели Јанкулоска. Министерството за внатрешни работи постапувало единствено по закони во надлежност на министерството, Законот за полиција, Законот за внатрешни работи и Законот за следење на комуникациите, кои пропишуваат дејствување по судски налог. „Укинувањето или поништувањето на одредби од други закони, кои не се во наша надлежност не влијае на квалитетот и динамиката на работењето на МВР. Во принцип ние сме обврзани без разлика на содржината на некои други закони што се предмет на работа на другите институции да постапуваме по законите кои ја регулираат нашата работа. Нашите закони налагаат исклучиво постапување по судски налог“ рече Јанкулоска. И вицепремиерот за европски прашања, Васко Наумовски, тврди дека сите видови на контрола кои се спроведуваат во МВР се во согласност со законските прописи и покрај забелешките на советот на Европа за недоволна демократска контрола на службите кои работат во МВР. „Сите видови на контрола кои се спроведуваат во министерството за внатрешни работи се согласно сите законски прописи кои што важат овде. Советот на Европа редовно доставува извештаи, како и други меѓународни организации и мислам дека Македонија стои многу подобро отколку што тоа било случај во минатите години, не велиме дека ситуацијата на ова поле и на било кое друго поле е совршена, има уште многу активности кои што треба да се спроведат, но она што е значајно за нас е дека се спроведуваат реформите и дека одиме напред“ изјави Наумовски. Уставниот суд вчера поведе постапка за пет члена од Законот за електронски комуникации и со ова МВР не може да прислушува без судски налог. Според судиите законот и дава неограничено право на полицијата да прислушува кого сака, колку сака и кога сака, со што овој закон директно навлегувал во приватноста на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.